Malayalam: వ్యాపారవేత్త అశ్విన్ ఫిలిప్‌తో మలయాళ నటి మియా నిశ్చితార్థం
- నిన్న ఫిలిప్ ఇంట్లో నిరాడంబరంగా జరిగిన నిశ్చితార్థం
- సెప్టెంబరులో వివాహం
- ఇన్‌స్టాగ్రామ్ ద్వారా వెల్లడించిన నటి
వ్యాపారవేత్త అశ్విన్ ఫిలిప్‌తో మలయాళ నటి మియా జార్జ్ నిశ్చితార్థం జరిగింది. కొద్దిమంది కుటుంబ సభ్యుల సమక్షంలో కేరళలోని ఫిలిప్ నివాసంలో నిన్న మియా, ఫిలిప్ ఉంగరాలు మార్చుకున్నారు. మియా ఈ విషయాన్ని తన ఇన్‌స్టాగ్రామ్ ఖాతా ద్వారా వెల్లడిస్తూ ఫిలిప్‌తో కలిసి ఉన్న ఫొటోను షేర్ చేసింది. వీరిద్దరి వివాహం ఈ ఏడాది సెప్టెంబరులో జరగనున్నట్టు సమాచారం. టీవీ నటిగా కెరియర్ ప్రారంభించిన మియా.. ఆ తర్వాత పలు సినిమాల్లో నటించి మంచి గుర్తింపు సంపాదించుకుంది. 2014లో ‘అమరకావ్యం’ అనే సినిమాతో తమిళ ఇండస్ట్రీలోనూ కాలుమోపింది. ప్రస్తుతం ప్రముఖ నటుడు విక్రమ్ ‘కోబ్రా’ సినిమాలో నటిస్తోంది.