Mohan Babu: మోహన్ బాబుకు పాదాభివందనం చేసిన రజనీకాంత్... నాటి జ్ఞాపకాలను పంచుకున్న డైలాగ్ కింగ్
- 1995 జూన్ 15న రిలీజైన పెదరాయుడు
- బ్లాక్ బస్టర్ హిట్ గా నిలిచిన చిత్రం
- ముహూర్తం షాట్ వీడియోను ట్వీట్ చేసిన మోహన్ బాబు
మోహన్ బాబు, సౌందర్య, రజనీకాంత్ నటించిన బ్లాక్ బస్టర్ చిత్రం పెదరాయుడు. 1995 జూన్ 15న రిలీజైన పెదరాయుడు బాక్సాఫీసు వద్ద రికార్డుల మోత మోగించాడు. ఈ సినిమాకు పాతికేళ్లు పూర్తయిన సందర్భంగా మోహన్ బాబు నాటి జ్ఞాపకాలను ట్విట్టర్ లో పంచుకున్నారు. నాడు పెదరాయుడు ఓపెనింగ్ షాట్ సమయంలో తీసిన వీడియోను ట్వీట్ చేశారు. ఎంత మధురమైన జ్ఞాపకాలు అంటూ మురిసిపోయారు. ఈ సినిమా ఓపెనింగ్ కు సీనియర్ ఎన్టీఆర్, లక్ష్మీపార్వతి సహా హాజరై ముహూర్తం షాట్ కు క్లాప్ కొట్టడం ఈ వీడియోలో చూడొచ్చు. అంతేకాదు, పాపారాయుడు గెటప్ లో ఉన్న రజనీకాంత్... మోహన్ బాబుకు పాదాభివందనం చేసిన క్షణాలను కూడా ఈ వీడియోలో పొందుపరిచారు.