Allu Sirish: గ్రహణం రోజున పూజలు చేయకుంటే ఇలాగే జరుగుతుంది మరి: అల్లు శిరీశ్
- సోషల్ మీడియాలో యాక్టివ్ గా ఉండే అల్లు శిరీశ్
- టవర్ గేమ్ లో విఫలమైన వీడియో
- పెట్టిన కామెంట్ తో నెటిజన్లకు నవ్వులు
యంగ్ హీరో అల్లు శిరీశ్ సోషల్ మీడియాలో చాలా యాక్టివ్ గా ఉంటాడు. త్వరలోనే తన తదుపరి చిత్రాల గురించిన అప్ డేట్స్ ఇస్తానని ఇటీవలే చెప్పిన శిరీశ్, సూర్య గ్రహణం రోజున పెట్టిన ఓ వీడియో నెటిజన్లకు నవ్వులు తెప్పిస్తోంది.
చెక్కలతో నిటారుగా ఉన్న టవర్ నుంచి ఒక్కో ముక్కనూ తీసే ఆటలో, అల్లు అర్జున్ ఓ చెక్కను తీయగా, టవర్ మొత్తం కూలిపోయింది. ఈ వీడియోను తన ఇన్ స్టాగ్రామ్ లో పోస్ట్ చేసిన అల్లువారబ్బాయి, సూర్యగ్రహణం రోజున సరిగ్గా పూజలు చేయకుంటే ఇలాగే జరుగుతుంది మరి అని కామెంట్ పెట్టాడు. ఈ కామెంట్ ను చదివిన వారంతా నవ్వుకుంటూ, వీడియోకన్నా కామెంట్ ఫన్నీగా ఉందని అంటున్నారు.
