PAN: ఆధార్ కార్డుతో పాన్ అనుసంధానానికి మరోసారి గడువు పెంపు
- గతంలో విధించిన గడువు జూన్ 30తో ముగిసిన వైనం
- 2021 మార్చి 31 వరకు తాజా గడువు
- ఈ నిర్ణయం ప్రజలకు ఉపకరిస్తుందన్న ఐటీ శాఖ
విస్తృతస్థాయిలో ఆర్థిక లావాదేవీలకు ఉపకరించే శాశ్వత ఖాతా నెంబరు (పాన్)కు ఆధార్ కార్డును అనుసంధానించేందుకు గడువును కేంద్రం మరోసారి పెంచింది. గతంలో పొడిగించిన గడువు జూన్ 30తో ముగిసింది. ఈ నేపథ్యంలో, ఆధార్ కార్డుతో పాన్ అనుసంధానానికి వచ్చే ఏడాది మార్చి 31 వరకు గడువు పెంచుతున్నట్టు ఆదాయపన్ను శాఖ ప్రకటించింది. తాజా పరిస్థితుల నేపథ్యంలో ఈ పెంపు నిర్ణయం తీసుకున్నామని, పరిస్థితులు మెరుగుపర్చుకునేందుకు ఈ నిర్ణయం ఉపకరిస్తుందని భావిస్తున్నట్టు ఐటీ శాఖ ట్వీట్ చేసింది.
