Liquor Shops: ఏపీలో మద్యం దుకాణాలకు మరో గంట అదనపు సమయం
- ఇటీవలే పునఃప్రారంభమైన మద్యం దుకాణాలు
- ఇప్పటిదాకా ఉదయం 11 నుంచి రాత్రి 8 గంటల వరకు అనుమతి
- ఇకపై రాత్రి 9 గంటల వరకు దుకాణాలు
రాష్ట్రంలో కరోనా వ్యాప్తి మొదలయ్యాక మద్యం షాపులు మూతపడిన సంగతి తెలిసిందే. అయితే, లాక్ డౌన్ ఆంక్షల సడలింపు నేపథ్యంలో మద్యం దుకాణాలు పునఃప్రారంభమయ్యాయి. ఉదయం 11 గంటల నుంచి రాత్రి 8 గంటల వరకే వాటికి అనుమతి ఇచ్చారు. ఇప్పుడా వేళలను ఏపీ ప్రభుత్వం సవరించింది. మరో గంట అదనపు సమయం ఇస్తున్నట్టు సర్కారు పేర్కొంది. ఇకపై ఉదయం 11 గంటల నుంచి రాత్రి 9 గంటల వరకు మద్యం దుకాణాలు తెరుచుకోవచ్చని ప్రభుత్వం తన ఉత్తర్వుల్లో తెలిపింది. ఏదేమైనా ఇది మందుబాబులకు కాస్తంత ఊరటనిచ్చే విషయమే!
