Raja Singh: ఆర్టికల్ 370, ట్రిపుల్ తలాక్ రద్దు చేశాం.. నెక్ట్స్ టార్గెట్ ఇవే: రాజాసింగ్
- అయోధ్య రామ మందిరాన్ని నిర్మిస్తున్నాం
- తదుపరి లక్ష్యం మధుర, వారణాసి దేవాలయాలు
- అయోధ్య భూమి పూజకు మోదీ హాజరు కావడంలో తప్పు లేదు
గతంలో ఏమేం చెప్పామో వాటన్నింటినీ చేశామని బీజేపీ ఎమ్మెల్యే రాజాసింగ్ చెప్పారు. అయోధ్యలో అద్భుతమైన రామ మందిరాన్ని నిర్మిస్తామని చెప్పామని... ఆ మాటను నిలబెట్టుకున్నామని తెలిపారు. ఆర్టికల్ 370 రద్దు, ట్రిపుల్ తలాక్ లను రద్దు చేశామని చెప్పారు. తమ తదుపరి లక్ష్యం మధుర, వారణాసి దేవాలయాలేనని అన్నారు.
ఆ రెండు దేవాలయాల గురించి కూడా న్యాయపోరాటం చేసి గెలుస్తామని చెప్పారు. ఆ దేవాలయాల నిర్మాణం కూడా బీజేపీ హయాంలో జరుగుతుందని తెలిపారు. ఆ రెండు దేవాలయాల వ్యవహారం ప్రస్తుతం కోర్టులో ఉందని... కోర్టులో విజయం సాధిస్తామని చెప్పారు. అయోధ్య భూమి పూజకు ప్రధాని మోదీ హాజరు కావడంలో తప్పు లేదని అన్నారు. భారతదేశం హిందూ దేశంగా అవతరించాలని కోరుకోవడంలో ఎలాంటి తప్పు లేదని అభిప్రాయపడ్డారు.
