Anand Mahindra: ఈ వీడియోను భద్రపరిచి ప్రతి ఏడాది చూస్తుంటా: ఆనంద్ మహీంద్రా
- జాతీయగీతం ఆలపించిన బాలుడు
- ఎంతో అమాయకంగా, శ్రద్ధగా పాడాడన్న ఆనంద్ మహీంద్రా
- ఆ వీడియో తనకు స్ఫూర్తి కలిగిస్తుందని వెల్లడి
ప్రముఖ వ్యాపారవేత్త ఆనంద్ మహీంద్రాను సోషల్ మీడియాలో ఏదైనా అంశం ఆకర్షించిందంటే అందులో ఏదో ఒక ప్రత్యేకత ఉండే ఉంటుంది. తాజాగా ఆయన ఓ బాలుడు భారత జాతీయగీతం పాడుతున్న వీడియోను పంచుకున్నారు. అది తాను ఎప్పుడో చాన్నాళ్ల కిందట చూశానని, అప్పటినుంచి ప్రతి ఏడాది స్వాతంత్ర్య దినోత్సవం ముందు ఆ వీడియో చూస్తుంటానని వెల్లడించారు. ఆ బాలుడు ఎంతో అమాయకంగా, ఎంతో ఏకాగ్రతతో జనగణమన పాడిన తీరు తనను విపరీతంగా ఆకట్టుకుందని వివరించారు. ఆ వీడియో ఎప్పుడు చూసినా తనకు ఎంతో స్ఫూర్తి కలిగిస్తుందని ఆనంద్ మహీంద్రా పేర్కొన్నారు. ఇప్పుడా బాలుడు పెద్దవాడై ఉంటాడని, ఒకవేళ ఇప్పుడు పాడితే మరికాస్త విభిన్నంగా పాడతాడేమో అని పేర్కొన్నారు.