Pragya Jaiswal: క్రిష్ దర్శకత్వంలో ప్రగ్యా జైస్వాల్ మరోసారి?
- 'కంచె' ద్వారా ఆకట్టుకున్న ప్రగ్యా జైస్వాల్
- వైష్ణవ్ తేజ్, రకుల్ తో క్రిష్ తాజా చిత్రం
- కీలక పాత్ర కోసం ప్రగ్యా పేరు పరిశీలన
గతంలో క్రిష్ దర్శకత్వంలో వచ్చిన 'కంచె' చిత్రం ద్వారా తెలుగు ప్రేక్షకులను ఆకట్టుకున్న అందాలతార ప్రగ్యా జైస్వాల్ మళ్లీ ఇప్పుడు ఆయన దర్శకత్వంలో ఓ సినిమా చేసే అవకాశాన్ని పొందుతోంది. క్రిష్ తాజాగా 'ఉప్పెన' ఫేం వైష్ణవ్ తేజ్ హీరోగా ఓ చిత్రాన్ని రూపొందిస్తున్నారు. రొమాంటిక్ మూవీగా తెరకెక్కే ఈ చిత్రంలో రకుల్ ప్రీత్ సింగ్ కథానాయికగా నటిస్తోంది. గ్రామీణ ప్రాంతాలలో కనిపించే రైతు కూలీ పాత్రను ఆమె పోషిస్తోంది.
అయితే, ఈ చిత్రంలో మరో ఇంపార్టెంట్ క్యారెక్టర్ కూడా వుందట. దాని కోసం ప్రగ్యా జైస్వాల్ ని తీసుకోవాలని క్రిష్ భావిస్తున్నట్టు సమాచారం. సినిమాలో ఇది కీలకమైన పాత్ర అని అంటున్నారు. ఇక ఈ చిత్రం షూటింగ్ ప్రస్తుతం హైదరాబాదు సమీపంలోని వికారాబాద్ అడవుల్లో జరుగుతున్నట్టు తెలుస్తోంది. సింగిల్ షెడ్యూల్ లో దీని షూటింగును పూర్తి చేయాలని క్రిష్ ప్లాన్ చేస్తున్నారట. ఆ తర్వాత పవన్ కల్యాణ్ తో చేసే చిత్రం షూటింగును ప్రారంభిస్తారు.