Disha Patani: టైమ్స్ మోస్ట్ డిజైరబుల్ ఉమెన్ జాబితాలో టాప్-10లో నిలిచిన హీరోయిన్లు వీరే!
- దిశా ప‌టానీకి అగ్రస్థానం
- రెండో స్థానంలో సుమన్ రావ్
- మూడో స్థానంలో కత్రినా కైఫ్
టైమ్స్ వెల్లడించిన టాప్-50 మోస్ట్ డిజైరబుల్ ఉమెన్ జాబితా-2019లో హీరోయిన్ దిశా ప‌టానీ అగ్రస్థానంలో నిలిచింది. గ‌త ఏడాది ఈ భామ ఇదే జాబితాలో 9వ ర్యాంక్‌లో ఉండగా, ఈ సారి ఏకంగా మొదటి స్థానానికి చేరడం విశేషం.
ఇదే జాబితాలో రెండో స్థానంలో సుమన్ రావ్, మూడో స్థానంలో కత్రినా కైఫ్ నిలిచారు. ఆ తర్వాతి స్థానాల్లో వరుసగా దీపికా పదుకునె, వర్తికా సింగ్, కైరా అద్వానీ, శ్రద్ధా కపూర్, యామీ గౌతమ్, అదితీ రావు హైదరీ , జాక్వెలిన్ ఫెర్నాండెజ్ ఉన్నారు. దక్షిణ భారత హీరోయిన్లకు ఇందులో చోటు లభించలేదు.
కాగా, ఇటీవలే టైమ్స్ మోస్ట్ డిజైరబుల్ మెన్ జాబితా విడుదల చేయగా అందులో షాహిద్ కపూర్ అగ్రస్థానంలో నిలిచిన విషయం తెలిసిందే. ఆ తర్వాతి స్థానాల్లో రణవీర్ సింగ్, టాలీవుడ్ హీరో విజయ్ దేవరకొండ నిలిచారు.
