nikhil: త‌న సిక్స్ ప్యాక్ ఫొటోను పోస్ట్ చేసిన హీరో నిఖిల్!
- ఇటీవ‌లే పెళ్లి చేసుకున్న నిఖిల్
- లాక్ డౌన్ లో సిక్స్ ప్యాక్ కోసం ప్రయత్నం
- అల‌రిస్తోన్న ఫొటో
లాక్ డౌన్ స‌మ‌యంలో పెళ్లి చేసుకున్న టాలీవుడ్ యంగ్ ఎన‌ర్జిటిక్ హీరో నిఖిల్ అదే స‌మ‌యంలో జిమ్ లో కండ‌లు పెంచ‌డంపై దృష్టి పెట్టాడు. తాజాగా ఆయ‌న త‌న ఇన్ స్టా ఖాతాలో పోస్ట్ చేసిన ఓ ఫొటో అభిమానుల‌ను ఆకర్షిస్తోంది.
చొక్కా జిప్ తీసేసి త‌న సిక్స్ ప్యాక్ ను చూపిస్తూ ఆయ‌న స్టైల్ గా ఈ ఫొటో దిగాడు. కాగా, ప్ర‌స్తుతం ఆయ‌న చందు మొండేటి దర్శకత్వంలో చేసిన కార్తికేయ-2 సినిమా విడుద‌ల కోసం ఎదురుచూస్తున్నాడు. అనంత‌రం, సుకుమార్ శిష్యుడు పల్నాటి సూర్యప్రతాప్ దర్శకత్వంలో '18 పేజీస్' సినిమాలో న‌టించ‌నున్నాడు.