Mega People: మెగా ఫ్యామిలీలో మగవాళ్లందరూ ఒకే ఫ్రేములో... వైరల్ అవుతున్న పిక్ ఇదే!
- నిహారిక పెళ్లికి తరలివచ్చిన మెగా జనం
- ఉదయ్ పూర్ లో నిహారిక, చైతన్య వివాహం
- గ్రూప్ ఫొటో తీయించుకున్న చిరంజీవి, పవన్ తదితరులు
- ఫొటోలో కనిపిస్తున్న బన్నీ, చరణ్
- అందరికంటే పొడవుగా అకీరా
మెగా బ్రదర్ నాగబాబు ముద్దుల తనయ నిహారిక పెళ్లి ఈ నెల 9న రాజస్థాన్ లోని చారిత్రక పట్టణం ఉదయ్ పూర్ లో జరిగింది. మాజీ ఐజీ ప్రభాకర్ రావు తనయుడు చైతన్య జొన్నలగడ్డతో నిహారిక వివాహ వేడుక కోసం మెగా ఫ్యామిలీ మొత్తం ఉదయ్ పూర్ కోటలో కొలువు దీరింది. ఈ సందర్భంగా కొత్త పెళ్లికొడుకు చైతన్యతో సహా మెగా ఫ్యామిలీలోని మగవాళ్లందరూ ఓ ఫొటో తీయించుకున్నారు. ఇప్పుడా ఫొటో నెట్టింట విపరీతంగా వైరల్ అవుతోంది.
ముఖ్యంగా మెగాస్టార్ చిరంజీవి, పవన్ కల్యాణ్, నాగబాబు ఒకే ఫ్రేములో ఉండడం అభిమానులను సంతోషానికి గురిచేస్తోంది. ఈ ఫొటోలో అల్లు అరవింద్, రామ్ చరణ్, అల్లు అర్జున్, వరుణ్ తేజ్, సాయితేజ్, శిరీష్, వెంకట్, కల్యాణ్ దేవ్ తదితరులున్నారు.
ఇక, ఈ ఫొటోలో ఉన్న అందరిలోకి పొడగరి మాత్రం పవన్ కల్యాణ్ తనయుడు అకీరానే. చిన్న వయసులోనే ఆరడుగులకు పైగా పొడవు పెరిగిన అకీరా ఈ గ్రూప్ ఫొటోలో కొట్టొచ్చినట్టు కనిపిస్తున్నాడు. అకీరా హైట్ పై సోషల్ మీడియాలో పవర్ స్టార్ ఫ్యాన్స్ మధ్య చర్చ నడుస్తోంది.
