Balakrishna: బోయపాటి సినిమా సెట్స్ పై బాలకృష్ణను కలిసిన తెలంగాణ తెలుగు యువత ప్రతినిధులు
- బోయపాటి దర్శకత్వంలో నటిస్తున్న బాలకృష్ణ
- హైదరాబాదులో తాజా షెడ్యూల్
- సెట్స్ వద్దకు వెళ్లిన తెలంగాణ తెలుగు యువత ప్రతినిధులు
- కార్యవర్గ ప్రమాణస్వీకారోత్సవానికి రావాలంటూ ఆహ్వానం
- బాలయ్య చేతుల మీదుగా లోగో ఆవిష్కరణ
టాలీవుడ్ అగ్రహీరో నందమూరి బాలకృష్ణ ప్రస్తుతం బోయపాటి శ్రీను దర్శకత్వంలో నటిస్తున్నారు. ఈ కాంబినేషన్ లో సింహా, లెజెండ్ హిట్ కావడంతో ఇప్పుడొస్తున్న మూడో చిత్రంపై భారీగా అంచనాలు నెలకొన్నాయి. ఈ సినిమా తాజా షెడ్యూల్ హైదరాబాదులో జరుగుతోంది. ఈ సందర్భంగా సెట్స్ పై ఉన్న హీరో బాలకృష్ణను తెలంగాణ తెలుగు యువత ప్రతినిధులు కలిశారు.
ఈ నెల 24న జరగనున్న తెలంగాణ తెలుగు యువత కార్యవర్గ ప్రమాణస్వీకార కార్యక్రమానికి రావాల్సిందిగా వారు బాలయ్యను ఆహ్వానించారు. ఈ మేరకు తెలంగాణ తెలుగు యువత రాష్ట్ర అధ్యక్షుడు డాక్టర్ పొగాకు రామ్ చందర్ ఆహ్వాన పత్రిక అందించారు. ఈ సందర్భంగా బాలయ్య చేతులమీదుగా తెలంగాణ తెలుగు యువత లోగోను ఆవిష్కరించారు.
