Vishnu Vishal: త్వరలో గుత్తా జ్వాల పెళ్లి... తేదీ ప్రకటిస్తామన్న విష్ణు విశాల్
- ప్రేమలో ఉన్న జ్వాల, విష్ణు విశాల్
- లాక్ డౌన్ సమయంలో నిశ్చితార్థం
- అరణ్య ప్రీరిలీజ్ ఈవెంట్ కు హాజరైన విష్ణు
- తాను తెలుగింటి అల్లుడ్నవుతున్నానని వెల్లడి
ప్రముఖ బ్యాడ్మింటన్ క్రీడాకారిణి గుత్తా జ్వాల, తమిళ నటుడు విష్ణు విశాల్ త్వరలో పెళ్లి చేసుకోబోతున్నారు. రానా నటించిన అరణ్య చిత్రం ప్రీరిలీజ్ ఈవెంట్ హైదరాబాదులో జరగ్గా నటుడు విష్ణు విశాల్ కూడా హాజరయ్యాడు. ఈ చిత్రంలో విష్ణు విశాల్ కీలకపాత్ర పోషించాడు. ప్రీరిలీజ్ ఈవెంట్ వేదికపైనే విష్ణు విశాల్ తన పెళ్లి ప్రకటన చేశాడు. త్వరలోనే పెళ్లి తేదీ ప్రకటిస్తామని వెల్లడించాడు.
తాను తెలుగింటి అల్లుడ్ని కాబోతున్నానని సంతోషం వ్యక్తం చేశాడు. ఈ సినిమా చిత్రీకరణ సమయంలో జ్వాల తన వెన్నంటే ఉండి ప్రోత్సహించిందని తెలిపాడు. జ్వాల, విష్ణు విశాల్ చాలాకాలంగా ప్రేమలో ఉన్నారు. లాక్ డౌన్ సమయంలో ఈ జోడీ నిశ్చితార్థం చేసుకుంది.
