Sabbam Hari: విషమంగా సబ్బం హరి ఆరోగ్యం... ఇటీవల కరోనా బారినపడిన మాజీ ఎంపీ
- ఈ నెల 15న సబ్బం హరికి కరోనా పాజిటివ్
- తొలుత హోం క్వారంటైన్ లో చికిత్స
- డాక్టర్ల సలహాతో ఆసుపత్రిలో చేరిక
- ఆరోగ్యం క్షీణించిందన్న డాక్టర్లు
టీడీపీ నేత సబ్బం హరి ఆరోగ్య పరిస్థితి క్షీణించింది. ఇటీవల కరోనా పాజిటివ్ రావడంతో సబ్బం హరి విశాఖపట్నంలోని ఓ ఆసుపత్రిలో చికిత్స పొందుతున్నారు. ఈ నెల 15న ఆయనకు కరోనా నిర్ధారణ కాగా, తొలుత ఇంట్లోనే క్వారంటైన్ లో ఉన్నారు. అయితే లక్షణాలు తీవ్రతరం కావడంతో వైద్యుల సలహా మేరకు ఆసుపత్రిలో చేరారు.
ఈ నేపథ్యంలో, సబ్బం హరి ఆరోగ్యం ప్రస్తుతం విషమంగా మారిందని డాక్టర్లు వెల్లడించారు. గత మూడ్రోజులుగా చికిత్స పొందుతున్న ఆయన వెంటిలేటర్ పై ఉన్నారు. ఆయనకు ఆక్సిజన్ లెవెల్స్ పడిపోయినట్టు తెలుస్తోంది. సబ్బం హరి ఆరోగ్య పరిస్థితిపై అభిమానుల్లో ఆందోళన నెలకొంది.
