Amala Paul: 'కుడి ఎడమైతే' సిరీస్ నుంచి ఇంట్రెస్టింగ్ టీజర్!
- వెబ్ సిరీస్ గా 'కుడి ఎడమైతే'
- ప్రధానమైన పాత్రలో అమలా పాల్
- కీలకమైన పాత్రలో రాహుల్ విజయ్
- ఈ నెల 16 నుంచి 'ఆహా'లో
రాహుల్ విజయ్ - అమలా పాల్ ప్రధాన పాత్రధారులుగా దర్శకుడు పవన్ కుమార్ 'కుడి ఎడమైతే' సిరీస్ ను రూపొందిస్తున్నాడు. ఇండియాలో డిజిటల్ మాధ్యమం ద్వారా ప్రసారం కానున్న తొలి సైంటిఫిక్ క్రైమ్ థ్రిల్లర్ సిరీస్ ఇదేనని చెబుతున్నారు. ఈ వెబ్ సిరీస్ ను ఈ నెల 16వ తేదీ నుంచి 'ఆహా'లో స్ట్రీమింగుకు పెడుతున్నారు. ఈ నేపథ్యంలో తాజాగా ఈ వెబ్ సిరీస్ నుంచి ఒక టీజర్ ను రిలీజ్ చేశారు. ప్రధానమైన పాత్రలకు సంబంధించిన విజువల్స్ పై కట్ చేసిన ఈ టీజర్ ఆసక్తిని రేకెత్తించేదిగా ఉంది.
అమలా పాల్ ఒక పోలీస్ ఆఫీసర్ .. రాహుల్ విజయ్ ఒక డెలివరీ బాయ్. ఈ ఇద్దరూ ఎవరి పనులపై వారు వెళుతూ ఉండగా, యాక్సిడెంట్ జరుగుతుంది. ఇద్దరూ కూడా ఆ ప్రమాదంలో గాయపడతారు. 'లూసియా యు టర్న్' (తెలుగు యు టర్న్) ను తెరకెక్కించిన దర్శకుడి నుంచి వస్తున్న వెబ్ సిరీస్ కావడంతో అందరిలోను ఆసక్తి ఉంది. ఒక ఇంట్రస్టింగ్ పాయింట్ చుట్టూ తిరిగే ఈ వెబ్ సిరీస్ ను, పీపుల్ మీడియా ఫ్యాక్టరీ వారు నిర్మిస్తున్నారు. అమలా పాల్ నటన ఈ వెబ్ సిరీస్ కి హైలైట్ గా నిలిచేలా అనిపిస్తోంది.