Anasuya: ఎయిర్ హోస్టెస్ గా కనిపించనున్న అనసూయ!
- బుల్లితెరపై విపరీతమైన క్రేజ్
- యూత్ లో మంచి ఫాలోయింగ్
- జయశంకర్ కథకి గ్రీన్ సిగ్నల్
- వచ్చేనెలలో సెట్స్ పైకి
అనసూయ ఒక వైపున బుల్లితెర షోలు చేస్తూనే, మరో వైపున సినిమాలు చేస్తూ వెళుతోంది. సినిమాల పరంగా ప్రత్యేకమైన పాత్రలలో కనిపించడానికీ, స్పెషల్ సాంగ్స్ లో మెరవడానికి ప్రాధాన్యతను ఇస్తూ వెళ్లింది. ఇక ఈ మధ్య మాత్రం ముఖ్యమైన పాత్రలు చేయడానికే ఎక్కువగా మొగ్గుచూపుతోంది. ఇటీవల ఆమె ఒప్పుకున్న సినిమాలు చూస్తే ఈ విషయం అర్థమవుతుంది.
ప్రస్తుతం అనసూయ 'పుష్ప' సినిమాలో ఒక ముఖ్యమైన పాత్రను పోషిస్తోంది. 'రంగమ్మత్త' స్థాయిలో ఈ పాత్ర కూడా తనకి మంచి గుర్తింపును తీసుకొస్తుందని ఆమె భావిస్తోంది. ఈ నేపథ్యంలోనే ఆమె మరో సినిమా చేయడానికి అంగీకరించిందనే విషయం బయటికి వచ్చింది. ఈ సినిమాలో ఆమె 'ఎయిర్ హోస్టెస్'గా కనిపించనుందని అంటున్నారు.
గతంలో 'పేపర్ బాయ్' సినిమాకి దర్శకుడిగా వ్యవహరించిన జయశంకర్, కొత్తగా ఒక కథను తయారు చేసున్నాడు. ఈ కథలో 6 ప్రధానమైన పాత్రలు ఉంటాయి. ఆ పాత్రల నేపథ్యం .. వాటి నడక .. కలయిక చాలా ఆసక్తికరంగా ఉంటుందని అంటున్నారు. అందులో ఎయిర్ హోస్టెస్ గా అనసూయ కనిపిస్తుందన్న మాట. ఇప్పటికే ఈ సినిమా 50 శాతం చిత్రీకరణను పూర్తిచేసుకోగా, వచ్చేనెల నుంచి అనసూయ జాయిన్ కానుందని చెబుతున్నారు.
