Junior NTR: శంకర్ పల్లి తహసీల్దార్ కార్యాలయంలో జూనియర్ ఎన్టీఆర్ సందడి
- ఆర్ఆర్ఆర్ చిత్రంలో నటిస్తున్న ఎన్టీఆర్
- ఓ భూమి వ్యవహారంపై రెవెన్యూ కార్యాలయానికి రాక
- అధికారులతో మాట్లాడిన వైనం
- ఎన్టీఆర్ తో ఫొటోలకు పోటీలు పడిన ఉద్యోగులు
ఆర్ఆర్ఆర్ సినిమాతో బిజీగా ఉన్న టాలీవుడ్ అగ్రహీరో జూనియర్ ఎన్టీఆర్ ఇవాళ రంగారెడ్డి జిల్లా శంకర్ పల్లి తహసీల్దార్ కార్యాలయానికి విచ్చేశారు. ఎన్టీఆర్ రాకతో ఆ ప్రభుత్వ కార్యాలయంలో సందడి వాతావరణం కనిపించింది. ఎన్టీఆర్ తో ఫొటోలు దిగేందుకు ఉద్యోగులు సైతం పోటీ పడ్డారు. ఎన్టీఆర్ ఎవరినీ నిరాశపర్చకుండా అందరికీ ఓపిగ్గా ఫొటోలకు పోజులిచ్చారు.
ఇక, ఎన్టీఆర్ శంకర్ పల్లి తహసీల్దార్ కార్యాలయానికి వచ్చింది ఓ భూమి రిజిస్ట్రేషన్ కోసమని తెలుస్తోంది. గోపాలపురం గ్రామ పరిధిలో ఆరున్నర ఎకరాల భూమికి సంబంధించిన వ్యవహారంపై ఎన్టీఆర్ రెవెన్యూ అధికారులతో మాట్లాడినట్టు సమాచారం.
