Nayanatara: సినిమా కబుర్లు.. సంక్షిప్త సమాచారం
- పూణేలో షూటింగ్ చేస్తున్న నయన్
- 'పుష్ప' కోసం అడవుల్లో బన్నీ ఫైట్స్
- త్రివిక్రమ్ సినిమాలో సంజయ్ దత్
* నయనతార తొలిసారిగా ఓ హిందీ చిత్రంలో నటిస్తోంది. షారుఖ్ ఖాన్ హీరోగా అట్లీకుమార్ దర్శకత్వంలో రూపొందుతున్న హిందీ చిత్రంలో కథానాయికగా నయనతార నటిస్తోంది. ఈ చిత్రం షూటింగ్ కోసం నయన్ ఇప్పుడు పూణేలో వుంది. ప్రస్తుతం షారుఖ్, నయన్ లపై కొన్ని సన్నివేశాలను అక్కడ చిత్రీకరిస్తున్నారు.
* అల్లు అర్జున్ హీరోగా సుకుమార్ దర్శకత్వంలో రూపొందుతున్న 'పుష్ప' చిత్రం తాజా షెడ్యూలు షూటింగ్ గత వారం రోజుల నుంచి తూర్పు గోదావరి జిల్లా మారేడుమిల్లి అడవుల్లో జరుగుతోంది. ప్రస్తుతం అల్లు అర్జున్, ఫైటర్లపై యాక్షన్ దృశ్యాలను అక్కడ చిత్రీకరిస్తున్నారు. ఈ నెలాఖరు వరకు అక్కడ షూటింగ్ జరుగుతుంది.
* మహేశ్ బాబు, త్రివిక్రమ్ శ్రీనివాస్ కలయికలో చాలా కాలం తర్వాత మళ్లీ ఓ చిత్రం రూపొందనుంది. ప్రస్తుతం ప్రీ ప్రొడక్షన్ పనులు ముమ్మరంగా జరుగుతున్నాయి. ఇందులో బాలీవుడ్ నటుడు సంజయ్ దత్ రాజకీయ నాయకుడిగా ఓ కీలక పాత్ర పోషించనున్నట్టు తెలుస్తోంది. మహేశ్ సరసన ఇందులో పూజ హెగ్డే, నభా నటేష్ హీరోయిన్లుగా నటించనున్నారు.