Saitej: సాయితేజ్ కు వెంటిలేటర్ అవసరం క్రమంగా తగ్గుతోంది: అపోలో వైద్యులు
- సాయితేజ్ ఆరోగ్య పరిస్థితిపై తాజా బులెటిన్
- సాయితేజ్ ఆరోగ్యం నిలకడగా ఉందని వెల్లడి
- ఇంకా ఐసీయూలోనే చికిత్స
- నిన్న సాయితేజ్ కాలర్ బోన్ కు శస్త్రచికిత్స
సినీ హీరో సాయితేజ్ ఆరోగ్య పరిస్థితిపై హైదరాబాదు అపోలో ఆసుపత్రి వర్గాలు తాజా బులెటిన్ విడుదల చేశాయి. సాయితేజ్ ఆరోగ్యం నిలకడగా ఉందని అపోలో వైద్యులు ఆ బులెటిన్ లో వెల్లడించారు. ప్రస్తుతానికి ఐసీయూలోనే చికిత్స అందిస్తున్నామని తెలిపారు. సాయితేజ్ కు వెంటిలేటర్ అవసరం క్రమంగా తగ్గుతోందని వివరించారు.
ఇటీవల జరిగిన రోడ్డు ప్రమాదంలో సాయితేజ్ ఓ స్పోర్ట్స్ బైకు నుంచి పడి తీవ్రగాయాలపాలవడం తెలిసిందే. సాయితేజ్ కాలర్ బోన్ విరిగినట్టు వైద్య పరీక్షల్లో వెల్లడైంది. నిన్న అపోలో వైద్యులు సాయితేజ్ కాలర్ బోన్ కు శస్త్రచికిత్సను విజయవంతంగా నిర్వహించారు.
