Adi Pinishetty: 'క్లాప్' సినిమా నుంచి రానున్న ఫస్టు సింగిల్!
- ఆది పినిశెట్టి హీరోగా 'క్లాప్'
- కథానాయికగా ఆకాంక్ష సింగ్
- సంగీత దర్శకుడిగా ఇళయరాజా
- తెలుగు, తమిళ భాషల్లో నిర్మాణం
ఆది పినిశెట్టి మొదటి నుంచి కూడా విలక్షణమైన పాత్రలకు ప్రాధాన్యతనిస్తూ వెళుతున్నాడు. హీరోగా వచ్చిన అవకాశాలను సద్వినియోగం చేసుకుంటూనే, విలన్ పాత్రలను సైతం చేస్తూ వెళుతున్నాడు. తెలుగు .. తమిళ భాషల్లో ఆయనకి మంచి గుర్తింపు ఉంది. ఈ రెండు భాషల్లో హీరోగా ఆయన 'క్లాప్' అనే సినిమా చేశాడు.
రామాంజనేయులు - రాజశేఖర్ రెడ్డి నిర్మించిన ఈ సినిమాకి, పృథ్వీ ఆదిత్య దర్శకత్వం వహించాడు. ఈ సినిమాలో ఆది పినిశెట్టి సరసన నాయికగా ఆకాంక్ష సింగ్ అలరించనుంది. క్రీడా నేపథ్యంలో ఈ కథ నడుస్తుంది. ఈ నెల 8వ తేదీన ఈ సినిమా నుంచి ఫస్టు సింగిల్ ను రిలీజ్ చేయనున్నారు.
అందుకు సంబంధించిన అధికారిక ప్రకటన చేస్తూ పోస్టర్ ను వదిలారు. ఈ సినిమాకి ఇళయరాజా సంగీతాన్ని సమకూర్చారు. ఆయనే ఈ పాటను ఆలపించారు కూడా. ప్రకాశ్ రాజ్ .. నాజర్ .. బ్రహ్మాజీ ఈ సినిమాలో ముఖ్యమైన పాత్రలలో కనిపించనున్నారు
.