Pooja Hegde: సినిమా కబుర్లు.. సంక్షిప్త సమాచారం
- పవన్ సినిమాలో పూజ ఖరారు
- నవంబర్ 4న 'వరుడు కావలెను'
- ఓటీటీకి వెళ్లిన సునీల్ సినిమా
* పవన్ కల్యాణ్ హీరోగా హరీశ్ శంకర్ దర్శకత్వంలో 'భవదీయుడు .. భగత్ సింగ్' అనే సినిమా రూపొందనుంది. ఇందులో కథానాయికగా పూజ హెగ్డేను ఎంపిక చేశారు. ఈ విషయాన్ని దర్శకుడు హరీశ్ తాజాగా ప్రకటించాడు.
* నాగ శౌర్య, రీతూ వర్మ జంటగా రూపొందిన 'వరుడు కావలెను' చిత్రం విడుదల వాయిదా పడింది. వాస్తవానికి ఈ దసరాకు ఇది విడుదల కావాలి. అయితే, ఇతర సినిమాలు కూడా దసరాకు ఉండడంతో, దీనిని నవంబర్ 4కి వాయిదా వేసినట్టు తాజా సమాచారం.
* ప్రముఖ హాస్యనటుడు సునీల్ ప్రధాన పాత్ర పోషించిన 'హెడ్స్ అండ్ టేల్స్' చిత్రం ఓటీటీలో రిలీజ్ అవుతోంది. ప్రముఖ ఓటీటీ వేదిక 'జీ 5'లో ఈ నెల 22 నుంచి ఇది స్ట్రీమింగ్ అవుతుంది. ఒక్కరాత్రిలో జరిగే కథగా దీనిని నటుడు సాయికృష్ణ ఎన్రెడ్డి తెరకెక్కించాడు.