Shanvi Meghana: సినిమా కబుర్లు.. సంక్షిప్త సమాచారం
- శాన్వీని తమన్నాతో పోల్చిన దర్శకుడు
- షూటింగ్ పూర్తిచేసుకున్న 'ఆదిపురుష్'
- డబ్బింగ్ మొదలెట్టిన అనసూయ
* ఈ నెల 12న విడుదలవుతున్న 'పుష్పక విమానం' సినిమాలో కథానాయికగా నటించిన శాన్వీ మేఘనను ప్రముఖ దర్శకుడు సురేందర్ రెడ్డి తమన్నాతో పోల్చారట. దాని గురించి శాన్వీ చెబుతూ, "సైరా సినిమాలో ఓ క్యారెక్టర్ వుందంటే ఆడిషన్స్ కి వెళ్లాను. అయితే, దర్శకుడు సురేందర్ రెడ్డి గారు నన్ను చూడగానే 'తమన్నా చెల్లిలా వుంది. ఆడిషన్ అక్కర్లేదు' అన్నారు. ఆరోజు దానిని పెద్ద కాంప్లిమెంటులా ఫీలయ్యాను" అని చెప్పింది.
* ప్రభాస్ హీరోగా ఓం రౌత్ దర్శకత్వంలో రూపొందుతున్న 'ఆదిపురుష్' చిత్రం షూటింగ్ మొత్తం నిన్నటితో పూర్తయింది. దీంతో త్వరలో పోస్ట్ ప్రొడక్షన్ పనులను ప్రారంభిస్తారు. కృతి సనన్ కథానాయికగా నటిస్తున్న ఈ చిత్రంలో బాలీవుడ్ నటుడు సైఫ్ అలీఖాన్ విలన్ గా నటిస్తున్నాడు. వచ్చే ఏడాది ఆగస్టు 11న ఈ చిత్రాన్ని రిలీజ్ చేస్తారు.
* ప్రస్తుతం అనసూయ 'ఫ్లాష్ బ్యాక్' అనే చిత్రంలో కీలక పాత్ర పోషిస్తోంది. ప్రభుదేవా, రెజీనా ఇతర ప్రధాన పాత్రలు పోషిస్తున్న ఈ చిత్రానికి డాన్ శాండీ దర్శకత్వం వహిస్తున్నారు. కాగా, ఇప్పటికే షూటింగును పూర్తిచేసుకున్న ఈ చిత్రానికి నిన్నటి నుంచి అనసూయ డబ్బింగ్ చెబుతోంది.