Chiranjeevi: రేపు 'భోళా శంకర్' నుంచి చిరూ పోస్టర్!
- సెట్స్ పై ఉన్న 'గాడ్ ఫాదర్'
- రేపు 'భోళా శంకర్' పూజా కార్యక్రమాలు
- కథానాయికగా తమన్నా ఖరారు
- చిరూ చెల్లెలి పాత్రలో కీర్తి సురేశ్
సాధారణంగా చిరంజీవి ఒక కథను ఓకే చేయడానికీ .. ఒక ప్రాజెక్టును పట్టాలెక్కించడానికి చాలా సమయం తీసుకుంటారు. ఒక ప్రాజెక్టు పూర్తయిన తరువాతనే మరో ప్రాజెక్టు పైకి వెళతారు. కానీ ఈ సారి అందుకు భిన్నంగా ఆయన వరుస ప్రాజెక్టులను ఒప్పుకున్నారు. నిదానంగా ఒకదాని తరువాత ఒకటిగా చేసుకుంటూ వెళతారని అంతా అనుకున్నారు.
కానీ ఇటీవలే 'గాడ్ ఫాదర్'ను సెట్స్ పైకి తీసుకెళ్లిన ఆయన, రేపు ఉదయం 7:45 నిమిషాలకు 'భోళా శంకర్' ప్రారంభానికి ముహూర్తం ఫిక్స్ చేశారు. మెహర్ రమేశ్ ఈ సినిమాకి దర్శకత్వం వహించనున్నాడు. ఈ సినిమాలో చిరూకి సంబంధించిన లుక్ టెస్ట్ రీసెంట్ గా చేశారట. ఆ లుక్ ను రేపు రిలీజ్ చేయనున్నట్టు చెబుతున్నారు.
ఈ సినిమాలో కథానాయికగా తమన్నాను .. చిరూ చెల్లెలి పాత్ర కోసం కీర్తి సురేశ్ ను తీసుకున్నారు. ఈ నెల 15వ తేదీ నుంచి రెగ్యులర్ షూటింగ్ జరుగుతుందని చెబుతున్నారు. ఇక మరో వైపు నుంచి బాబీ సినిమాకి సంబంధించిన ఏర్పాట్లు కూడా పూర్తవుతున్నాయి. త్వరలోనే ఆ సినిమా కూడా ముహూర్తాన్ని ఖాయం చేసుకోనుందని అంటున్నారు.
