Sudheer Babu: ఇది కృతిశెట్టి ప్రీ లుక్ .. రేపు ఫస్టులుక్!
- 'ఉప్పెన'తో హిట్ కొట్టిన కృతిశెట్టి
- 'శ్యామ్ సింగ రాయ్'తో మంచి పేరు
- రిలీజ్ కి రెడీ అవుతున్న 'బంగార్రాజు'
- లైన్లో మరో మూడు సినిమాలు
2021లో టాలీవుడ్ ను ఒక ఊపు ఊపేసిన అందాల కథానాయిక ఎవరైనా ఉన్నారా? అంటే అంది కృతిశెట్టినే. ఆమెను బీట్ చేస్తూ ఇంతవరకూ అయితే ఎవరూ రాలేదు. తొలి సినిమా 'ఉప్పెన'తోనే భారీ హిట్ కొట్టేసిన ఈ బ్యూటీ, రీసెంట్ గా వచ్చిన 'శ్యామ్ సింగ రాయ్' తోను మంచి మార్కులు కొట్టేసింది.
ఇక వచ్చే ఏడాది ఈ సుందరి నుంచి 'ఆ అమ్మాయి గురించి మీకు చెప్పాలి' సినిమా రానుంది. మైత్రీ - బెంచ్ మార్క్ వారు సంయుక్తంగా నిర్మిస్తున్న ఈ సినిమాలో ఆమె సుధీర్ బాబు జోడీగా కనిపించనుంది. ఇంద్రగంటి మోహనకృష్ణ దర్శకత్వం వహించిన ఈ సినిమా నుంచి, కొంత సేపటి క్రితం ప్రీ లుక్ తరహాలో ఒక స్టిల్ వదిలారు. ఫస్టులుక్ ను రేపు రిలీజ్ చేస్తున్నట్టుగా ప్రకటించారు.
ఇక ఈ సినిమాతో పాటు కృతిశెట్టి చైతూ జోడీగా 'బంగార్రాజు'లో నటించింది. త్వరలోనే ఈ సినిమా రిలీజ్ డేట్ ను ప్రకటించనున్నారు. ఇక నితిన్ సరసన 'మాచర్ల నియోజక వర్గం' చేస్తున్న కృతి, రామ్ జోడీగా కూడా ఒక సినిమా చేస్తోంది. ఈ సినిమాలన్నీ కూడా 2022లో వరుసగా రానుండటం విశేషం.
.