Vaishnav Tej: 'రంగ రంగ వైభవంగా' ఫస్టు సింగిల్ రిలీజ్!
- వైష్ణవ్ తేజ్ హీరోగా మరో లవ్ స్టోరీ
- సంగీత దర్శకుడిగా దేవిశ్రీ ప్రసాద్
- శంకర్ మహదేవన్ సాంగ్ ప్రత్యేక ఆకర్షణ
- త్వరలోనే ప్రేక్షకుల ముందుకు
'ఉప్పెన' సినిమాతో యూత్ ను .. మాస్ ఆడియన్స్ ను ఆకట్టుకున్న వైష్ణవ్ తేజ్ మూడో సినిమాగా 'రంగరంగ వైభవంగా' రూపొందుతోంది. గిరీశాయ దర్శకత్వంలో బీవీఎస్ ఎన్ ప్రసాద్ నిర్మిస్తున్న ఈ సినిమాలో, కథానాయికగా కేతిక శర్మ కనిపించనుంది. ఫ్యామిలీ ఎమోషన్స్ ను కలుపుకుంటూ సాగే రొమాంటిక్ ఎంటర్టైనర్ ఇది.
దేవిశ్రీ ప్రసాద్ ఈ సినిమాకి సంగీతాన్ని అందించాడు. కొంతసేపటి క్రితం ఈ సినిమా నుంచి ఫస్టు సింగిల్ ను రిలీజ్ చేశారు. 'తెలుసా తెలుసా ఎవరికోసం ఎవరు పుడతారో .. ఎవరికి ఎవరేమి అవుతారో' అంటూ ఈ పాట సాగుతోంది. శ్రీమణి సాహిత్యాన్ని అందించిన ఈ పాటను శంకర్ మహదేవన్ ఆలపించారు.
ఈ సాంగ్ ను బట్టి హీరో హీరోయిన్ల మధ్య హై స్కూల్ రోజుల నుంచే లవ్ మొదలవుతుందనే విషయం అర్థమవుతోంది. మెడికల్ కాలేజ్ లో స్టూడెంట్స్ గా ఉన్నప్పటికీ వాళ్ల మధ్య అదే ప్రేమ కొనసాగుతున్నట్టుగా చూపించారు. విజయ్ బిన్ని కొరియోగ్రఫీని అందించాడు. ఈ ఏడాదిలోనే ఈ సినిమా ప్రేక్షకుల ముందుకు రానుంది.