Sri Vishnu: 'భళా తందనాన' నుంచి లిరికల్ సాంగ్ రిలీజ్!
- శ్రీవిష్ణు తాజా చిత్రంగా 'భళా తందనాన'
- కథానాయికగా కేథరిన్
- సంగీత దర్శకుడిగా మణిశర్మ
- త్వరలోనే ప్రేక్షకుల ముందుకు
శ్రీవిష్ణు కథానాయకుడిగా చైతన్య దంతులూరి దర్శకత్వంలో 'భళా తందనాన' సినిమా రూపొందింది. వారాహి చలన చిత్ర బ్యానర్ పై రజనీ కొర్రపాటి నిర్మించిన ఈ సినిమాలో, కథానాయికగా కేథరిన్ నటించింది. శ్రీకాంత్ విస్సా కథను అందించిన ఈ సినిమాకి మణిశర్మ సంగీతాన్ని సమకూర్చారు.
తాజాగా ఈ సినిమా నుంచి ఒక లిరికల్ వీడియో సాంగ్ ను రిలీజ్ చేశారు. 'రాశానిలా కనబడనీ .. వినబడనీ ప్రేమలేఖ. చూశానీలా కదలననే వదలననే మౌనరేఖ' అంటూ ఈ పాట సాగుతోంది. శ్రీమణి సాహిత్యాన్ని అందించిన ఈ గీతాన్ని అనురాగ్ కులకర్ణి - రమ్య బెహ్రా ఆలపించారు.
ఇంతకుముందు శ్రీ విష్ణు హీరోగా వచ్చిన 'రాజ రాజ చోర' బాగానే ఆకట్టుకుంది. కానీ ఆ తరువాత వచ్చిన 'అర్జున ఫల్గుణ' ఆశించిన స్థాయిని అందుకోలేకపోయింది. ఇక 'వరల్డ్ ఫేమస్ లవర్ తరువాత కేథరిన్ చేసిన సినిమా ఇదే. అందువలన ఇద్దరికీ ఈ సినిమా హిట్ కొట్టడం అవసరమే.