Balakrishna: బాలకృష్ణ కొత్త సినిమాపై ఇప్పుడు హాట్ టాపిక్ ఇదే!
- నిన్న మొదలైన బాలకృష్ణ కొత్త సినిమా
- గోపీచంద్ మలినేని దర్శకత్వం
- కథానాయికగా శ్రుతి హాసన్
- కీలక పాత్రలో వరలక్ష్మి శరత్ కుమార్
బాలకృష్ణ కథానాయకుడిగా గోపీచంద్ మలినేని ఒక యాక్షన్ థ్రిల్లర్ ను రూపొందిస్తున్నాడు. మైత్రీ మూవీ మేకర్స్ వారు నిర్మిస్తున్న ఈ సినిమా రెగ్యులర్ షూటింగ్ నిన్ననే మొదలైంది. గతంలో 'వేటపాలెం'లో జరిగిన ఒక సంఘటన ఆధారంగా గోపీచంద్ మలినేని ఈ కథను తయారు చేసుకున్నట్టుగా వార్తలు వచ్చాయి.
ఆ మధ్య ఆయన 'వేటపాలెం' వెళ్లి అక్కడ పాత న్యూస్ పేపర్ల నుంచి కొంత సమాచారాన్ని సేకరించాడు కూడా. రాయలసీమ నేపథ్యంలోనే ఆయన ఈ కథను నడిపించనున్నట్టు చెప్పుకున్నారు. అయితే నిన్న షూటింగు మొదలైన తరువాత, ఇది ఒక కన్నడ సినిమాకి రీమేక్ అనే ఒక టాక్ బయటికి వచ్చింది.
కొంతకాలం క్రితం కన్నడలో శివరాజ్ కుమార్ 'మఫ్టీ' అనే ఒక యాక్షన్ థ్రిల్లర్ సినిమాలో చేశారు. ఆ సినిమా అక్కడ భారీ విజయాన్ని అందుకుంది. ఆ సినిమాకి ఇది రీమేక్ అని చెప్పుకుంటున్నారు. ఇప్పుడు ఇదే హాట్ టాపిక్ గా మారిపోయింది. మరి గోపీచంద్ మలినేని ఏమంటాడో చూడాలి. రామ్ - లక్ష్మణ్ యాక్షన్ కొరియోగ్రఫీని అందిస్తున్న ఈ సినిమాలో కథానాయికగా శ్రుతి హాసన్ నటిస్తోంది. కీలకమైన పాత్రలో వరలక్ష్మి శరత్ కుమార్ కనిపించనుంది.