Vaishnav tej: జోరు పెంచుతున్న మెగా హీరో!
- వైష్ణవ్ తాజా చిత్రంగా 'రంగరంగ వైభవంగా'
- కథానాయికగా కేతిక శర్మ
- సంగీత దర్శకుడిగా దేవిశ్రీ ప్రసాద్
- మే 27వ తేదీన విడుదల
వైష్ణవ్ తేజ్ ఇక తన జోరు పెంచడానికి రెడీ అవుతున్నాడు. యంగ్ హీరోలకి గట్టి పోటీ ఇవ్వడానికి సిద్ధమవుతున్నాడు. ఆయన తాజా చిత్రంగా 'రంగరంగ వైభవంగా' రూపొందుతున్న సంగతి తెలిసిందే. గిరీశాయ దర్శకత్వం వహిస్తున్న ఈ సినిమా, కొంతకాలంగా నాన్ స్టాప్ గా షూటింగు జరుపుకుంటోంది.
తాజాగా ఈ సినిమా షూటింగు పార్టును పూర్తి చేసుకుంది. ఇక మిగతా కార్యక్రమాన్ని పూర్తి చేసే దిశగా పనులు మొదలయ్యాయి. ఈ సినిమా తరువాత వైష్ణవ్ చేతిలో మూడు ప్రాజెక్టులు ఉన్నాయి. అందువల్లనే ఈ సినిమాను చకచకా కానిచ్చేశాడట. ఈ మూడు ప్రాజెక్టులు పెద్ద బ్యానర్లలోనివే కావడం విశేషం. ముందుగా ఏ బ్యానర్లోని సినిమాను మొదలెడతాడనేది చూడాలి.
'రంగరంగ వైభవంగా' ఫ్యామిలీ ఎంటర్టైనర్ గా రూపొందింది. బీవీఎస్ ఎన్ ప్రసాద్ నిర్మించిన ఈ సినిమాలో కథానాయికగా కేతిక శర్మ అలరించనుంది. దేవిశ్రీ ప్రసాద్ సంగీతాన్ని అందించిన ఈ సినిమాను మే 27వ తేదీన విడుదల చేయనున్నారు. 'ఉప్పెన'తో యూత్ ను .. 'కొండపొలం'తో మాస్ ను మెప్పించిన వైష్ణవ్ తేజ్, ఈ సినిమాతో ఫ్యామిలీ ఆడియన్స్ కి చేరువకావడం ఖాయంగానే కనిపిస్తోంది.