Gopichand: తెలుగులో బిజీ అవుతున్న ఖుష్బూ!
- గ్లామరస్ హీరోయిన్ గా ఖుష్బూకి మంచి క్రేజ్
- తమిళంలో వరుస సినిమాలతో బిజీ
- ఇటీవల తెలుగు సినిమాలపై దృష్టి
- గోపీచంద్ సినిమాలోను ఛాన్స్
తెలుగు తెరకి పరిచయమైన నిన్నటి తరం కథానాయికలలో ఖుష్బూ ఒకరు. 'కలియుగ పాండవులు సినిమాతో తెలుగు ప్రేక్షకుల ముందుకు వచ్చిన ఖుష్బూ, మొదటి సినిమాతోనే గ్లామర్ పరంగా .. నటన పరంగా మంచి మార్కులు కొట్టేసింది. ఆ తరువాత 'కిరాయి దాదా'తో మరో హిట్ ను అందుకుంది. తమిళ సినిమాలతో బిజీగా ఉండటం వలన తెలుగు సినిమాలను ఆమె ఎక్కువగా చేయలేకపోయింది.
'స్టాలిన్' సినిమాతో కేరక్టర్ ఆర్టిస్టుగా రీ ఎంట్రీ ఇచ్చిన ఆమె, ఆ తరువాత 'యమదొంగ' .. 'అజ్ఞాతవాసి' సినిమాలలో కీలకమైన పాత్రలను పోషించింది. 'అజ్ఞాతవాసి' నుంచి ఆమె తెలుగు సినిమాలపై దృష్టి పెట్టినట్టుగా కనిపిస్తోంది. 'ఆడవాళ్లు మీకు జోహార్లు' సినిమాలోను ఆమె ఒక ముఖ్యమైన పాత్రను పోషించింది. ఈ నెల 4వ తేదీన ఈ సినిమా ప్రేక్షకుల ముందుకు రానుంది.
ఇక శ్రీవాస్ దర్శకత్వంలోను ఒక సినిమా చేయడానికి ఆమె అంగీకరించింది. గోపీచంద్ హీరోగా ఈ సినిమా షూటింగు జరుపుకుంటోంది. షూటింగుకి వెల్ కమ్ చెబుతూ ఈ సినిమా టీమ్ అందుకు సంబంధించిన పోస్టర్ ను వదిలింది. విశ్వప్రసాద్ - వివేక్ కూచిభొట్ల నిర్మిస్తున్న ఈ సినిమా కెరియర్ పరంగా గోపీచంద్ కి 30 సినిమా కావడం విశేషం.