Suma: 'జయమ్మ పంచాయితీ' ప్రీ రిలీజ్ ఈవెంట్ కి నాగ్ .. నాని!
- 'జయమ్మ' పాత్రను పోషించిన సుమ
- గ్రామీణ నేపథ్యంలో సాగే కథ ఇది
- రేపు జరగనున్న ప్రీ రిలీజ్ ఈవెంట్ కి సన్నాహాలు
- మే 6వ తేదీన సినిమాను విడుదల చేయనున్నారు
యాంకర్ గా .. హోస్ట్ గా సుమకి ఉన్న క్రేజ్ గురించి ప్రత్యేకంగా చెప్పుకోవలసిన పనిలేదు. చాలా కాలం క్రితమే హీరోయిన్ గా ఒక సినిమా చేసిన సుమ, ఆ తరువాత నుంచి సినిమాల వైపు వెళ్లలేదు. మళ్లీ ఇప్పుడు .. ఇంతకాలానికి ఆమె ఒక సినిమా వైపు మొగ్గు చూపింది. ఆమె టైటిల్ రోల్ ను పోషించిన 'జయమ్మ పంచాయితీ' విడుదలకు ముస్తాబైంది.
వెన్నెల క్రియేషన్స్ వారు నిర్మించిన ఈ సినిమాకి విజయ్ కలివరపు దర్శకత్వం వహించాడు. ఈ సినిమాకి కీరవాణి సంగీతాన్ని అందించడం విశేషం. ఇంతవరకూ ఈ సినిమా నుంచి వచ్చిన పాటలకు అనూహ్యమైన రెస్పాన్స్ వచ్చింది. మే 6వ తేదీన ఈ సినిమాను విడుదల చేయనున్నారు.
ఈ నేపథ్యంలో ఈ సినిమా ప్రీ రిలీజ్ ఈవెంట్ కి ముహూర్తాన్ని ఖరారు చేశారు. ఈ నెల 30వ తేదీన ఈ సినిమా ప్రీ రిలీజ్ ఈవెంట్ ను హైదరాబాద్ .. దసపల్లా హోటల్లో నిర్వహించనున్నారు. రేపు సాయంత్రం 6 గంటల నుంచి ఈ కార్యక్రమం మొదలవుతుంది. ఈ సినిమాకి ముఖ్య అతిథులుగా నాగార్జున .. నాని వస్తున్నట్టుగా చెబుతూ, అందుకు సంబంధించిన పోస్టర్ ను వదిలారు.
