Samantha: ఆసక్తిని రేపుతున్న 'యశోద' ఫస్టు గ్లింప్స్!
- 'యశోద'గా ప్రధానమైన పాత్రలో సమంత
- సస్పెన్స్ థ్రిల్లర్ జోనర్లో సాగే కథ
- బ్యాక్ గ్రౌండ్ మ్యూజిక్ ను అందించిన మణిశర్మ
- ఆగస్టు 12వ తేదీన విడుదల
సమంత ప్రధాన పాత్రగా 'యశోద' సినిమా రూపొందుతోంది. ఇది సస్పెన్స్ తో కూడుకున్న సైకలాజికల్ థ్రిల్లర్ అని తెలుస్తోంది. శ్రీదేవి మూవీ బ్యానర్ పై నిర్మితమవుతున్న ఈ సినిమాకి హరి - హరీశ్ దర్శకత్వం వహిస్తున్నారు. ఈ బ్యానర్ పై వచ్చిన అనేక సినిమాలు భారీ విజయాలను అందుకున్నాయి.
అలాంటి ఈ బ్యానర్లో నిర్మితమైన ఈ సినిమాను ఆగస్టు 12వ తేదీన విడుదల చేస్తున్నారు. ఈ నేపథ్యంలో ఈ సినిమా నుంచి ఫస్టు గ్లింప్స్ ను వదిలారు. ఈ సినిమా నుంచి వచ్చిన ఈ ఫస్టు వీడియోలో ఎలాంటి డైలాగ్స్ లేవు. అప్పుడే ఈ లోకంలోకి వచ్చిన సమంత తనని తాను కొత్తగా చూసుకోవడం .. కిటికీ దగ్గరికి వెళ్లి బయట వాలిన పావురాన్ని పట్టుకోవడానికి ప్రయత్నించడాన్ని చూపించారు.
మణిశర్మ ఈ సినిమాకి బ్యాక్ గ్రౌండ్ మ్యూజిక్ ను అందించాడు. ఆ బ్యాక్ గ్రౌండ్ మ్యూజిక్ పైనే ఈ ఫస్టు గ్లింప్స్ ను వదిలారు. ఇది సినిమాపై ఆసక్తిని పెంచేదిలానే ఉంది. వరలక్ష్మీ శరత్ కుమార్ కీలకమైన పాత్రను పోషించిన ఈ సినిమాలో, రావు రమేశ్ .. మురళీ శర్మ .. ఉన్ని ముకుందన్ ముఖ్యమైన పాత్రల్లో కనిపించనున్నారు.