Adivi Sesh: గుండె ఆగి ఆగి అదురుతున్నది .. 'మేజర్' నుంచి సాంగ్ రిలీజ్
- సందీప్ ఉన్నికృష్ణన్ జీవిత చరిత్రగా 'మేజర్'
- ఆయన పాత్రలో నటించిన అడివి శేష్
- మహేశ్ బాబు నిర్మించిన సినిమా ఇది
- జూన్ 3వ తేదీన థియేటర్లకు రానున్న సినిమా
అడివి శేషు హీరోగా 'మేజర్' సినిమా రూపొందింది. మేజర్ సందీప్ ఉన్నికృష్ణన్ జీవితచరిత్రగా ఈ సినిమా నిర్మితమైంది. మహేశ్ బాబు నిర్మించిన ఈ సినిమాకి శశికిరణ్ తిక్క దర్శకత్వం వహించాడు. ఈ సినిమాలో శేష్ జోడీగా సయీ మంజ్రేకర్ అలరించనుంది. ఈ సినిమాతోనే ఆమె తెలుగు తెరకి పరిచయమవుతోంది.
శ్రీచరణ్ పాకాల ఈ సినిమాకి సంగీతాన్ని సమకూర్చాడు. తాజాగా ఈ సినిమా నుంచి మరో సాంగ్ ను రిలీజ్ చేశారు. 'ఓ ఇషా' అంటూ ఈ పాట సాగుతోంది. హీరో హీరోయిన్ల మధ్య పరిచయం .. ప్రేమ .. పెళ్లి .. అతను ఆర్మీలో చేరడం .. ఒకరిని గురించిన ఆలోచనలతో ఒకరు ఉండటం .. ఈ పాటలో చూపించారు.
మేజర్ సందీప్ ఉన్నికృష్ణన్ ఎలా చనిపోయారనేది అందరికీ తెలుసు .. కానీ ఆయన ఎలా బ్రతికారనేది కొందరికే తెలుసు .. ఆ కోణాన్ని కూడా ఈ సినిమాలో చూపించడం జరిగిందని అడివి శేష్ చెప్పిన దగ్గర నుంచి ఈ సినిమాపై మరింతగా అంచనాలు పెరుగుతూ వచ్చాయి. జూన్ 3వ తేదీన ఈ సినిమాను విడుదల చేయనున్నారు.