Lavanya Tripathi: 'హ్యాపీ బర్త్ డే' మూవీ నుంచి ట్రైలర్ రిలీజ్!
- లావణ్య త్రిపాఠి ప్రధాన పాత్రదారిణిగా 'హ్యాపీ బర్త్ డే'
- కామెడీ డ్రామా జోనర్లో సాగే కథ
- సంగీత దర్శకుడిగా కాలభైరవ
- జులై 8వ తేదీన సినిమా విడుదల
ఒకానొక సమయంలో వరుస సినిమాలు చేస్తూ వచ్చిన లావణ్య త్రిపాఠి, ఆ తరువాత కాస్త వెనకబడుతూనే వచ్చింది. అలాంటి లావణ్య ఓ విభిన్నమైన కథాశంతో రూపొందిన సినిమాలో చేసింది. ఆ సినిమా పేరే 'హ్యాపీ బర్త్ డే'. 'మత్తువదలరా' సినిమాతో గుర్తింపు తెచ్చుకున్న రితేశ్ రాణా ఈ సినిమాకి దర్శకత్వం వహించాడు.
ఈ సినిమాలో వెన్నెల కిశోర్ .. సత్య .. రాహుల్ రామకృష్ణ కీలకమైన పాత్రలను పోషించారు. కాలభైరవ సంగీతాన్ని సమకూర్చిన ఈ సినిమా నుంచి కొంతసేపటి క్రితం ట్రైలర్ ను రిలీజ్ చేశారు. ఈ సినిమా పూర్తి వినోదభరితమైన కథగా రూపొందిందనే విషయం ట్రైలర్ ను బట్టి అర్థమవుతోంది.
'ఆవేశం అగ్గిపుల్లలాంటిది ఒక్కసారే వెలిగించవచ్చు ..' వంటి డైలాగ్స్ బాగున్నాయి. నాన్ స్టాప్ కామెడీ డ్రామాగా రూపొందిన ఈ సినిమాను, జులై 8వ తేదీన విడుదల చేస్తున్నారు. లావణ్య త్రిపాఠి మినహా దాదాపు కమెడియన్స్ పైనే ఈ కథ నడుస్తుందనే విషయం అర్థమవుతోంది.