Nithin: 'గుంతలకడి గురునాథం'గా వెన్నెల కిశోర్ .. పోస్టర్ రిలీజ్!
- బిజీ కమెడియన్ గా వెన్నెల కిశోర్
- 'మాచర్ల నియోజకవర్గం'లోను విలక్షణమైన పాత్ర
- ఆగస్టు 12వ తేదీన విడుదల కానున్న సినిమా
కమెడియన్ గా వెన్నెల కిశోర్ సంపాదించుకున్న క్రేజ్ గురించి ప్రత్యేకంగా చెప్పుకోవలసిన పనిలేదు. సింపుల్ డైలాగ్ డెలివరీతో .. ఎక్స్ ప్రెషన్ తో నవ్వించడం ఆయన ప్రత్యేకత. కమెడియన్ గా సునీల్ తరువాత ఆ స్థాయి స్టార్ డమ్ ఆయనకే దక్కింది. ఈ మధ్య కాలంలో ఆయనలేని సినిమా లేదంటే అతిశయోక్తి కాదు.
నితిన్ హీరోగా చేసిన 'మాచర్ల నియోజక వర్గం' సినిమాలోను ఆయన ఒక ముఖ్యమైన పాత్రను పోషించాడు. ఈ సినిమాలో 'గుంతలకడి గురునాథం' అనే ఆయన పాత్ర పేరును పరిచయం చేస్తూ పోస్టర్ ను వదిలారు. 'ఈగో కా బాప్' అంటూ ఆయనలో ఈగో ఏ రేంజ్ లో ఉండనుందో చెప్పారు. అందుకు తగినట్టుగానే పోస్టర్లో ఆయన ఎక్స్ ప్రెషన్ ఉంది.
నితిన్ సొంత బ్యానర్లో నిర్మితమైన ఈ సినిమాతో రాజశేఖర్ రెడ్డి దర్శకుడిగా పరిచయమవుతున్నాడు. నితిన్ జోడీగా కృతి శెట్టి సందడి చేయనుంది. మహతి స్వరసాగర్ సంగీతాన్ని సమకూర్చిన ఈ సినిమాను ఆగస్టు 12వ తేదీన విడుదల చేయనున్నారు. చూస్తుంటే వెన్నెల కిశోర్ కామెడీ ఈ సినిమాకి హైలైట్ గా నిలిచేలా ఉంది.
