Pavan Kalyan: పవన్- సురేందర్ రెడ్డి ప్రాజెక్టు విషయంలో వచ్చేసిన క్లారిటీ!
- వరుస ప్రాజెక్టులను లైన్లో పెట్టిన పవన్
- సెట్స్ పై ఉన్న 'హరి హర వీరమల్లు'
- 'వినోదయా సితం' రీమేక్ కి సన్నాహాలు
- హరీశ్ శంకర్ తో 'భవదీయుడు భగత్ సింగ్'
- లైన్లోనే ఉన్న సురేందర్ రెడ్డి ప్రాజెక్టు
ప్రస్తుతం క్రిష్ దర్శకత్వంలో పవన్ కల్యాణ్ 'హరి హర వీరమల్లు' సినిమా చేస్తున్నారు. ఇక ఆ తరువాత సినిమాగా 'వినోదయా సితం' రీమేకులో చేయనున్నారు. సముద్రఖని దర్శకత్వం వహించనున్న ఈ సినిమా, అందుకు సంబంధించిన సన్నాహాలను పూర్తి చేసుకుంటోంది.
ఈ సినిమా తరువాత ఆయన హరీశ్ శంకర్ దర్శకత్వంలో 'భవదీయుడు భగత్ సింగ్' చేయనున్నారు. ఆ తరువాత ప్రాజెక్టును సురేందర్ రెడ్డితో చేయనున్నట్టుగా ఒక టాక్ అయితే వచ్చింది గానీ, అందుకు సంబంధించిన ఎలాంటి అప్ డేట్ రాలేదు. దాంతో ఈ ప్రాజెక్టు లేనట్టేనని అంతా అనుకున్నారు.
అయితే, తాజాగా నిర్మాత రామ్ తాళ్లూరి ఈ ప్రాజెక్టు ఉందని చెప్పారు. 'ఏజెంట్' తరువాత సురేందర్ రెడ్డి చేసే సినిమా పవన్ తోనే ఉంటుందని ఆయన తెలిపారు. దాంతో ఈ సినిమా ఉందనే విషయం ఖరారైపోయింది. చిరంజీవితో 'సైరా' .. చరణ్ తో 'ధ్రువ' .. బన్నీతో రేసుగుర్రం' చేసిన సురేంద్ర రెడ్డి, ఆ తరువాత సినిమాను పవన్ తో చేయనుండటం మెగా అభిమానులకు ఆనందాన్ని కలిగించే విషయం.