Abhiram: 'అహింస' నుంచి కమ్మగుంటదే పిల్లా ఫుల్ సాంగ్ రిలీజ్!
- తేజ నుంచి మరో ప్రేమకథా చిత్రం
- టైటిల్ తో ఆసక్తిని రేపుతున్న 'అహింస'
- హీరోగా అభిరామ్ పరిచయం
- సంగీత దర్శకుడిగా ఆర్పీ పట్నాయక్
దగ్గుబాటి ఫ్యామిలీ నుంచి మరో హీరోగా అభిరామ్ వస్తున్నాడు. 'అహింస' సినిమాతో తేజ దర్శకత్వంలో తెలుగు తెరకి అభిరామ్ పరిచయమవుతున్నాడు. చాలా కాలంగా షూటింగు జరుపుకుంటూ వచ్చిన ఈ సినిమా, త్వరలో ప్రేక్షకులను పలకరించనుంది. ఈ నేపథ్యంలో కొంత సేపటి క్రితం ఈ సినిమా నుంచి ఒక లిరికల్ సాంగును రిలీజ్ చేశారు.
హీరో .. హీరోయిన్ ఒకరి పట్ల ఒకరు తమ ప్రేమను వెల్లడి చేసే ప్రయత్నంగా ఈ పాట వస్తుంది. ఆర్పీ పట్నాయక్ అందించిన బాణీ కొత్తగా అనిపిస్తుంది. చంద్రబోస్ సాహిత్యంలోని సుకుమారమైన భావాల సొంపు కూడా మనసును తాకుతుంది. కాలభైరవ - కీర్తన శ్రీనివాస ఆలపించిన ఈ పాటను గ్రామీణ నేపథ్యంలోని లొకేషన్స్ లో చిత్రీకరించిన తీరు కూడా ఆకట్టుకుంటుంది.
ఆనంది ఆర్ట్ క్రియేషన్స్ బ్యానర్ పై నిర్మితమైన ఈ సినిమాపై అంచనాలు పెంచేదిలానే ఈ పాట ఉంది. ఈ సినిమాతో గీతిక తివారి కథానాయికగా తెలుగు తెరకి పరిచయమవుతోంది. ప్రేమకథా చిత్రాలలో ఎప్పటికప్పుడు ట్రెండ్ సెట్ చేస్తూ వచ్చిన తేజ, ఈ సినిమాతో మరో సంచలనానికి తెర లేపుతాడేమో చూడాలి.