Shiva Kandukuri: ఆసక్తిని రేపుతున్న 'భూతద్దం భాస్కర్ నారాయణ' మోషన్ పోస్టర్!
- శివ కందుకూరి నుంచి మరో సినిమా
- డిఫరెంట్ జోనర్లో నడిచే కథ
- కథానాయికగా రాశి సింగ్
- సంగీత దర్శకుడిగా శ్రీచరణ్ పాకాల
శివ కందుకూరి హీరోగా విభిన్నమైన కథలను .. పాత్రలను ఎంచుకుంటూ వెళుతున్నాడు. అలా ఆయన నుంచి డిఫరెంట్ కాన్సెప్ట్ తో కూడిన మరో సినిమా రానుంది. ఆ సినిమా పేరే 'భూతద్ధం భాస్కర్ నారాయణ'. టైటిల్ తోనే ఆశక్తిని రేకెత్తించే ఒక ప్రయత్నమైతే జరిగింది.
తాజాగా ఈ సినిమా నుంచి మోషన్ పోస్టర్ ను రిలీజ్ చేశారు. ఒక గుహలో శివలింగం ఉంటుంది. ఆ శివలింగం సన్నిధిలో ఒక సిద్ధుడు ధ్యానం చేస్తుంటాడు. ఆ గుహలోకి ఒక ఆసురశక్తి ప్రవేశిస్తుంది. ఒక స్త్రీ మొండానికి ఆ అసురశక్తి తల భాగం అతుకుతుంది. ఇలా మోషన్ పోస్టర్ తోనే ఈ సినిమాపై ఆసక్తిని రేకెత్తించారు.
స్నేహాల్ .. శశిధర్ .. కార్తీక్ నిర్మించిన ఈ సినిమాకి పురుషోత్తం రాజ్ దర్శకత్వం వహించాడు. గతంలో ఆది సాయికుమార్ తో 'శశి' సినిమా చేసిన రాశి సింగ్ ఈ సినిమాలో కథనాయికగా నటిస్తోంది. శ్రీచరణ్ పాకాల సంగీతాన్ని సమకూర్చిన ఈ సినిమా, త్వరలోనే ప్రేక్షకుల ముందుకు రానుంది