Raviteja: 'ధమాకా'లో దుమ్మురేపేసిన 'జింతాకు జింతాకు' .. సాంగ్ టీజర్ రిలీజ్!
- రవితేజ హీరోగా తెరకెక్కిన 'ధమాకా'
- సినిమాను నెక్స్ట్ లెవెల్ కి తీసుకెళ్లిన సాంగ్స్
- 'జింతాకు పాటకి అగ్రస్థానమిచ్చిన మాస్ ఆడియన్స్
- ఇంతవరకూ 96 కోట్లను రాబట్టిన సినిమా
ఈ మధ్య కాలంలో ఒక సినిమాను నెక్స్ట్ లెవెల్ కి తీసుకెళ్లిన సాంగ్స్ ఉన్న సినిమాగా 'ధమాకా'ను గురించి చెప్పుకోవచ్చు. రవితేజ - శ్రీలీల జంటగా నటించిన ఈ సినిమాకి నక్కిన త్రినాథరావు దర్శకత్వం వహించాడు. భీమ్స్ ఈ సినిమాకి బాణీలను అందించాడు. ఆయన సంగీతమే ఈ సినిమాకి హైలైట్ గా నిలిచింది.
విడుదలకి ముందే ఈ సినిమా నుంచి జనంలోకి దూసుకెళ్లిన సాంగ్ గా 'జింతాకు జింతాకు' కనిపిస్తుంది. జానపద బాణీలో ఈ పాట జోరుగా .. హుషారుగా సాగుతుంది. 'లవ్వు తన్నుకు వస్తుందే టన్నుల్లో .. భూమిపూజ చేసుకుంట బుగ్గల్లో .. కొంపగోడు కట్టుకుంట కౌగిళ్ళో' అంటూ కాసర్ల శ్యామ్ చేసిన ప్రయోగాలు మనసుకి ఛమక్కున తగిలి నవ్వులు మొలిపిస్తాయి.
భీమ్స్ - మంగ్లీ కలిసి ఆలాపించిన ఈ పాటకి, ఒక మాస్ పాటకి ఉండవలసిన లక్షణాలన్నీ ఉన్నాయి. కొరియోగ్రఫీ .. ఫొటోగ్రఫీ కూడా ఈ పాట స్థాయిని పెంచాయి. అలాంటి ఈ పాట టీజర్ ను కొంతసేపటి క్రితం రిలీజ్ చేశారు. ఇంతవరకూ ఈ సినిమా 96 కోట్లను వసూలు చేయడం విశేషం.