Anikha: 'బుట్టబొమ్మ' నుంచి ఫస్టు సింగిల్ రిలీజ్!
- బాలనటిగా అనిఖ పాప్యులర్
- టీనేజ్ హీరోయిన్ గా వరుస సినిమాలు
- విడుదలకి రెడీ అవుతున్న 'బుట్టబొమ్మ'
- టాలీవుడ్లో బిజీ అయ్యే అవకాశాలు
అనిఖ సురేంద్రన్ .. బాలనటిగానే ఎంతోమంది ప్రశంసలను అందుకుంది. టీనేజ్ హీరోయిన్ గా ఇప్పుడు తన డేట్స్ దొరకడమే కష్టం. ఆమె ప్రధానమైన పాత్రగా 'బుట్టబొమ్మ' సినిమా రూపొందింది. సితార నాగవంశీ - సాయి సౌజన్య కలిసి నిర్మించిన ఈ సినిమాకి శౌరి చంద్రశేఖర్ దర్శకత్వం వహించాడు.
గ్రామీణ నేపథ్యంలో రూపొందిన స్వచ్ఛమైన ప్రేమకథ ఇది. తాజాగా ఈ సినిమా నుంచి ఫస్టు సింగిల్ ను రిలీజ్ చేశారు. "పేరులేని ఊరిలోకి కొత్త గాలొచ్చిందా? ఊసుపోక ఊసులెన్నో తీసుకొస్తూ ఉందా? అంటూ ఈ పాట నేపథ్య గీతంగా వస్తోంది. పల్లె వాతావరణానికి .. అక్కడి జీవనానికి ఈ పాట అద్దం పడుతోంది.
స్వీకర్ అగస్తి సంగీతాన్ని సమకూర్చిన ఈ పాటను మోహన భోగరాజు ఆలపించారు. హుషారైన ఈ పాట బీట్ బాగుంది. మోహన భోగరాజు స్వరం ఈ పాటకి ప్రాణం పోసింది. త్వరలోనే ఈ సినిమా ప్రేక్షకుల ముందుకు రానుంది. ఈ సినిమా తరువాత అనిఖ ఇక్కడ బిజీ అయ్యే అవకాశాలు కనిపిస్తున్నాయి.