KANTARA2: కాంతార 2లో బాలీవుడ్ హీరోయిన్
- 16 కోట్లతో తెరకెక్కి రూ.400 కోట్లు రాబట్టిన కాంతార
- చిత్రానికి సీక్వెల్ తీసే పనిలో హీరో, దర్శకుడు రిషబ్ షెట్టి
- కాంతార 2లో ఊర్మశి రౌతేలా
కన్నడ హీరో రిషబ్ శెట్టి స్వీయ దర్శకత్వం వహించిన సినిమా కాంతార దేశ వ్యాప్తంగా సంచలనం సృష్టించింది. రిషబ్ శెట్టి సరసన సప్తమి గౌడ హీరోయిన్‌గా నటించింది. కన్నడ, తెలుగు, హిందీలో ఈ చిత్రం ఆకట్టుకుంది. కేవలం 16 కోట్ల రూపాయలతో రూపొందిన ఈ చిత్రం ప్రపంచ వ్యాప్తంగా రూ. 400 కోట్లు వసూళ్లు సాధించి అఖండ విజయం సాధించింది. ఈ చిత్రానికి కొనసాగింపుగా కాంతార 2 ఉంటుందని నిర్మాణ సంస్థ హోంబలే ఫిలిమ్స్ అధినేత విజయ్ కిరంగదూర్ ప్రకటించారు. రిషబ్ శెట్టి ఇప్పటికే స్క్రిఫ్ట్‌పై పనిచేయడం మొదలుపెట్టారు. తొలి భాగం ప్రారంభమైనప్పటికి ముందు జరిగిన సంఘటనలను రెండో భాగంలో చూపించనున్నట్టు పేర్కొన్నారు.
తాజాగా ఈ చిత్రం గురించి మరో అప్ డేట్ వచ్చింది. ఈ సినిమాలో బాలీవుడ్ హీరోయిన్ ఊర్వశీ రౌతేలా నటించనుంది. బాలీవుడ్లో ఇటీవల మెగాస్టార్ చిరంజీవి బ్లాక్‌బస్టర్ చిత్రం ’వాల్తేరు వీరయ్య’లో ‘బాస్ పార్టీ’ పాటలో నర్తించిన తను టాలీవుడ్ కు దగ్గరైంది. ఈ క్రమంలో ఆమెకు కాంతార 2లో అవకాశం లభించినట్టు తెలుస్తోంది. ఊర్వశి సోషల్ మీడియాలో దర్శకుడు, హీరో రిషబ్ శెట్టితో కలిసి ఉన్న ఒక ఫోటో షేర్ చేసింది. కాంతార 2 లోడింగ్ అని పేర్కొన్నది. అయితే, కాంతార 2లో ఆమెనే ప్రధాన హీరోయిన్ గా నటిస్తుందా? ప్రత్యేక పాత్రలో నర్తిస్తుందా? లేక వేరే ఏదైనా పాత్ర చేస్తుందా? అనే వివరాలు తెలియాల్సి ఉంది.
