Kiran Abbavaram: భగవంతుడి ముందు భక్తితోను .. బలవంతుడి ముందు భయంతోను ఉండాలి .. 'మీటర్' ట్రైలర్ డైలాగ్!
- మాస్ యాక్షన్ జోనర్లో రూపొందిన 'మీటర్'
- కిరణ్ జోడీగా పరిచయమవుతున్న అతుల్య రవి
- ప్రత్యేక ఆకర్షణగా నిలవనున్న సాయికార్తీక్ సంగీతం
- ఏప్రిల్ 7వ తేదీన సినిమా విడుదల
నాని తరువాత ఎలాంటి సినిమా నేపథ్యం లేకుండా ఇండస్ట్రీకి వచ్చిన హీరోగా కిరణ్ అబ్బవరం కనిపిస్తాడు. ఆయన వరుస సినిమాలు చేయడం ఒక విశేషమైతే, ఆ సినిమాలు పెద్ద బ్యానర్లలో ఉండటం మరో విశేషం. అలా ఆయన క్లాప్ - మైత్రీ బ్యానర్లలో చేసిన సినిమానే 'మీటర్'.
మాస్ యాక్షన్ ఎంటర్టైనర్ జోనర్లో రూపొందిన ఈ సినిమాలో ఆయన జోడీగా అతుల్య రవి అలరించనుంది. పోలీస్ ఆఫీసర్ గా కిరణ్ అబ్బవరం కనిపించనున్న ఈ సినిమా, ఈ నెల 7వ తేదీన ప్రేక్షకుల ముందుకు రానుంది. ఈ నేపథ్యంలో కొంతసేపటి క్రితం ఈ సినిమా నుంచి ట్రైలర్ ను రిలీజ్ చేశారు.
లవ్ .. రొమాన్స్ .. కామెడీ .. మాస్ డాన్సులు .. ఫైట్లను కవర్ చేస్తూ కట్ చేసిన ఈ ట్రైలర్ ఆకట్టుకుంటోంది. 'భగవంతుడి ముందు భక్తితోను .. బలవంతుడి ముందు భయంతోను ఉండాలి' అనే డైలాగ్ ఈ ట్రైలర్ కి హైలైట్. సాయికార్తీక్ సంగీతాన్ని సమకూర్చిన ఈ సినిమా, ఏ స్థాయిలో ఆడియన్స్ ను మెప్పిస్తుందో చూడాలి.