Janhvi Kapoor: అమెజాన్ ప్రైమ్ లో జాన్వీ కపూర్ 'బవాల్'
- వరుణ్ ధావన్ హీరోగా రూపొందిన 'బవాల్'
- కథానాయికగా సందడి చేయనున్న జాన్వీ కపూర్
- ఈ నెల 21వ తేదీన నేరుగా ఓటీటీకి వస్తున్న సినిమా
- తానేమీ నిరాశ చెందడం లేదన్న జాన్వీ
వరుణ్ ధావన్ - జాన్వీ కపూర్ జంటగా 'బవాల్' సినిమా రూపొందింది. సాజిద్ నడియద్ వాలా నిర్మించిన ఈ సినిమాకి, నితేశ్ తివారి దర్శకత్వం వహించాడు. లవ్ డ్రామా జోనర్లో ఈ కథ నడుస్తుంది. ఈ సినిమాను అమెజాన్ ప్రైమ్ లో ఈ నెల 21వ తేదీ నుంచి స్ట్రీమింగ్ చేయనున్నారు. ఈ విషయాన్ని అధికారికంగా తెలియజేస్తూ ట్రైలర్ ను వదిలారు కూడా.
ముందుగా ఈ సినిమాను థియేటర్స్ లోనే రిలీజ్ చేయాలనుకున్నారు. కానీ ఓటీటీ నుంచి భారీ ఆఫర్ రావడంతో, ఓటీటీ వైపు నిర్మాతలు మొగ్గు చూపారట. ఈ మధ్యకాలంలో జాన్వీ కపూర్ సినిమాలు ఓటీటీల్లోనే ఎక్కువగా వచ్చాయి. ఈ సినిమా అయినా థియేటర్స్ లో పడుతుందని ఆమె భావించింది. కానీ ఇది కూడా ఓటీటీ బాట పట్టడం విశేషం.
అయితే ఈ విషయంలో తనకి ఎలాంటి నిరాశ లేదని జాన్వీ చెప్పింది. ఓటీటీలో తన సినిమా నేరుగా రిలీజ్ అవుతున్నందుకు తానేమీ బాధపడటం లేదనీ, కోట్లాదిమందికి చేరువ కావడమే సినిమా అంతిమ లక్ష్యమని పేర్కొంది. ఓటీటీ ద్వారా ఈ సినిమా కోట్లాది మందికి చేరితే, తనకి అది సంతోషాన్ని కలిగించే విషయమేనని చెప్పుకొచ్చింది. దాంతో ఆమె అభిమానులు ఇప్పుడు 'దేవర' పైనే దృష్టి పెట్టారు.