Trisha: మన్సూర్ అలీఖాన్ క్షమాపణలు చెప్పడంపై త్రిష స్పందన
- త్రిషపై అసభ్యకర వ్యాఖ్యలు చేసిన మన్సూర్
- వివాదాస్పదం కావడంతో క్షమాపణ చెప్పిన వైనం
- మన్నించడం దైవగుణం అన్న త్రిష
ప్రముఖ హీరోయిన్ త్రిషపై నటుడు మన్సూర్ అలీఖాన్ చేసిన వివాదాస్పద వ్యాఖ్యలు కలకలం రేపిన సంగతి తెలిసిందే. 'లియో' సినిమాలో త్రిషను రేప్ చేసే సీన్ ఉంటుందని తాను భావించానని... అయితే ఆ సీన్ లేకపోవడంతో తాను చాలా నిరాశపడ్డానని ఆయన అన్నారు. ఈ అసభ్యకర వ్యాఖ్యలపై జాతీయ మహిళా కమిషన్ కూడా ఆగ్రహం వ్యక్తం చేసింది. మన్సూర్ పై విచారణ చేయాలని ఆదేశించింది. మరోవైపు చెన్నై పోలీసులు ఆయనపై కేసు కూడా నమోదు చేశారు. ఈ క్రమంలో త్రిషకు మన్సూర్ క్షమాపణ చెప్పారు. ఈ నేపథ్యంలో త్రిష స్పందిస్తూ... తప్పు చేయడం మానవ సహజమని... దాన్ని మన్నించడం దైవగుణమని అన్నారు. దీంతో, ఈ వివాదానికి ముగింపు కార్డు పడినట్టయింది.
