Naa Saamiranga: 'నా సామిరంగ'... టైటిల్ సాంగ్ విడుదలైంది!
- నాగార్జున హీరోగా నా సామిరంగ చిత్రం
- నాగ్ సరసన కథానాయికగా ఆషికా రంగనాథ్
- ఈ చిత్రంతో దర్శకుడిగా పరిచయం అవుతున్న కొరియోగ్రాఫర్ విజయ్ బిన్నీ
- జనవరి 14న విడుదల
మా జోలికొస్తే... మాకడ్డువస్తే... మామూలుగా ఉండదు... నా సామిరంగ...
ఈ గీత తొక్కితే... మా సేత సిక్కితే... మామూలుగా ఉండదు... నా సామిరంగ...
...అంటూ కింగ్ నాగార్జున తన మిత్రబృందంతో కలిసి దుమ్మురేపే టైటిల్ సాంగ్ 'నా సామిరంగ' చిత్రం నుంచి తాజాగా విడుదలైంది. ఈ పాటలో నాగ్ తో పాటు అల్లరి నరేశ్, రాజ్ తరుణ్ కూడా కనిపిస్తారు.
ఆస్కార్ విన్నింగ్ మ్యూజిక్ డైరెక్టర్ ఎంఎం కీరవాణి బాణీలకు, ఆస్కార్ విన్నింగ్ లిరిక్ రైటర్ చంద్రబోస్ సాహిత్యం అందించారు. "నా సామిరంగ" అంటూ ఎంతో హుషారుగా సాగే ఈ టైటిల్ సాంగ్ ను కీరవాణి తనయుడు కాలభైరవ, 'చిచ్చా' రాహుల్ సిప్లిగంజ్ ఆలపించారు.
శ్రీనివాస సిల్వర్ స్క్రీన్ పతాకంపై శ్రీనివాస చిట్టూరి నా సామిరంగ చిత్రాన్ని నిర్మిస్తున్నారు. ఈ చిత్రంతో కొరియోగ్రాఫర్ విజయ్ బిన్నీ దర్శకుడిగా పరిచయం అవుతున్నాడు. నా సామిరంగ చిత్రంలో నాగార్జున సరసన ఆషికా రంగనాథ్ కథానాయికగా నటిస్తోంది. ఈ చిత్రం 2024 జనవరి 14న సంక్రాంతి కానుకగా ప్రేక్షకుల ముందుకు వస్తోంది.