K Kavitha: అన్నా..ప్రౌడ్ ఆఫ్ యూ..మెగాస్టార్ చిరుకు ఎమ్మెల్సీ కవిత శుభాకాంక్షలు
- పద్మవిభూషణ్‌కు ఎంపికైన చిరంజీవికి ఎమ్మెల్సీ కవిత అభినందనలు
- మెగాస్టార్‌కు బతుకమ్మ జ్ఞాపికను అందజేసిన వైనం
- ట్విట్టర్ వేదికగా శుభాకాంక్షలు చెప్పిన కవిత
ప్రతిష్టాత్మక పద్మవిభూషణ్ అవార్డుకు ఎంపికైన సినీ నటుడు చిరంజీవికి బీఆర్ఎస్ నేత, ఎమ్మెల్సీ కవిత శుభాకాంక్షలు తెలిపారు. మెగాస్టార్‌ను అభినందించిన కవిత, ఆయనకు బతుకమ్మ జ్ఞాపికను బహూకరించారు. ఈ నేపథ్యంలో ట్విట్టర్ వేదికగా కూడా కవిత మెగాస్టార్‌కు శుభాకాంక్షలు తెలిపారు. ఆబాలగోపాలన్నీ అలరించిన నటుడు మెగాస్టార్ అని కొనియాడారు. ఆయనను పద్మవిభూషణ్ వరించడం తెలుగువారందరికీ గర్వకారణమని వ్యాఖ్యానించారు. మెగాస్టార్‌ను చూసి గర్వపడుతున్నానంటూ కామెంట్ చేశారు.