Nani: హీరో నానీని కలిసిన బ్రిటీష్ డిప్యూటీ హైకమిషనర్
- తెలుగు రాష్ట్రాలకు బ్రిటీష్ డిప్యూటీ హైకమిషనర్ గా వ్యవహరిస్తున్న గారెత్ విన్ ఓవెన్
- హైదరాబాద్ లోని నానీ నివాసానికి వచ్చిన ఓవెన్
- నానీతో పలు అంశాలపై చర్చ
తెలుగు రాష్ట్రాలకు బ్రిటీష్ డిప్యూటీ హైకమిషర్ గా వ్యవహరిస్తున్న గారెత్ విన్ ఓవెన్ నేడు టాలీవుడ్ హీరో నానీని కలిశారు. హైదరాబాద్ లో నానీ నివాసానికి వెళ్లిన గారెత్ విన్ ఓవెన్ మర్యాదపూర్వకంగా సమావేశమయ్యారు. దీనిపై ఆయన తన 'ఎక్స్' హ్యాండిల్ ద్వారా స్పందించారు.
"నానీని కలవడం ఎంతో ఆనందం కలిగించింది. నానీ సినీ, వ్యక్తిగత జీవితం గురించి అడిగి తెలుసుకున్నాను. తెలుగు చిత్ర పరిశ్రమతో బ్రిటన్ సంబంధాలు ఏ విధంగా బలోపేతం చేసుకోవచ్చు అనే అంశంపైనా చర్చించాను. ఈ సందర్భంగా, తాను నటించిన రెండు సినిమాలు చూడమని నాని నాకు సూచించారు. మరి నేచురల్ స్టార్ నటించిన ఏ సినిమాలు చూడాలో నాకు కాస్త చెబుతారా?" అంటూ గారెత్ విన్ ఓవెన్ నెటిజన్లను కోరారు.
