Mahesh Babu: నెట్టింట వైర‌ల్ అవుతున్న మ‌హేశ్ బాబు కొత్త ఫొటోలు
- 'ఎక్స్' వేదిక‌గా లేటెస్ట్ పిక్స్ పంచుకున్న సూప‌ర్ స్టార్
- మ‌హేశ్ చాలా ఫ్రెష్ లుక్‌లో అందంగా క‌నిపిస్తున్నారంటున్న ఫ్యాన్స్
- 'షేప్ యువ‌ర్ స్టోరీ' అనే ట్యాగ్‌తో ఫొటోల‌ను షేర్ చేసిన మ‌హేశ్ బాబు
- ప్ర‌స్తుతం రాజమౌళి సినిమా కోసం ప్రిపేర్ అయ్యే ప‌నిలో ప్రిన్స్
ప్రిన్స్ మ‌హేశ్ బాబు తాజాగా త‌న 'ఎక్స్' (ట్విట‌ర్) ఖాతా ద్వారా పోస్ట్ చేసిన కొన్ని ఫొటోలు నెట్టింట వైర‌ల్ అవుతున్నాయి. ఈ ఫొటోలలో మ‌హేశ్ చాలా ఫ్రెష్ లుక్‌లో అందంగా క‌నిపిస్తున్నారు. మొత్తం నాలుగు ఫొటోల‌ను 'షేప్ యువ‌ర్ స్టోరీ' అనే ట్యాగ్‌తో మ‌హేశ్ బాబు అభిమానుల‌తో పంచుకున్నారు. ఈ ఫొటోలు చూసిన ఫ్యాన్స్ మ‌హేశ్ లుక్స్ అదుర్స్ అని అంటున్నారు.
ఇదిలాఉంటే.. ప్ర‌స్తుతం మ‌హేశ్ బాబు ద‌ర్శ‌కుడు ఎస్ఎస్ రాజమౌళి సినిమా కోసం సిద్ధం అవుతున్నారు. ఈ చిత్రంలో మ‌హేశ్ పూర్తి డిఫ‌రెంట్ లుక్‌లో క‌నిపించ‌నున్నాడ‌ని తెలుస్తోంది. దీనికి త‌గ్గ‌ట్టుగా త‌న శ‌రీర ఆకృతిని మార్చుకునే ప‌నిలో సూప‌ర్ స్టార్ ఉన్నారు. దీనిలో భాగంగా రాజమౌళి సూచ‌న మేర‌కు ఇప్ప‌టికే విదేశాల‌కు కూడా వెళ్లొచ్చారు. కాగా, ఈ సినిమా ఓ అడ్వెంచర్ డ్రామాగా ఉండ‌బోతుంద‌ని ర‌చ‌యిత విజేంద్ర‌ప్ర‌సాద్ ఇప్ప‌టికే వెల్ల‌డించారు.