Maruti Nagar Subramanyam: 'మారుతినగర్ సుబ్రహ్మణ్యం'పై మహేశ్ బాబు రివ్యూ
- రావు రమేశ్ ప్రధాన పాత్రలో మారుతినగర్ సుబ్రహ్మణ్యం మూవీ
- ఆగస్టు 23న రిలీజ్
- కడుపుబ్బా నవ్వించేలా ఉందన్న మహేశ్ బాబు
రావు రమేశ్ ప్రధాన పాత్రలో లక్ష్మణ్ కార్య దర్శకత్వంలో వచ్చిన చిత్రం మారుతినగర్ సుబ్రహ్మణ్యం. ఈ చిత్రం ఆగస్టు 23న ప్రేక్షకుల ముందుకు వచ్చింది. కామెడీ బలంతో ఈ సినిమా హిట్ టాక్ తెచ్చుకుంది.
కాగా, ఈ చిత్రంపై టాలీవుడ్ సూపర్ స్టార్ మహేశ్ బాబు స్పందించారు. సినిమా చూస్తున్నంత సేపు నవ్వుల పల్లకీలో ప్రయాణిస్తున్నట్టే ఉందని అభివర్ణించారు. ఇటీవల కాలంలో వచ్చిన అత్యుత్తమ ఫ్యామిలీ ఎంటర్టయినర్ సినిమాల్లో మారుతినగర్ సుబ్రహ్మణ్యం సినిమా కూడా ఒకటని కితాబిచ్చారు. ఈ సినిమాకు సమర్పకురాలిగా వ్యవహరించిన తబిత సుకుమార్ కు, యావత్ చిత్రబృందానికి మహేశ్ బాబు అభినందనలు తెలిపారు.
