Kinjarapu Ram Mohan Naidu: కేంద్రమంత్రి రామ్మోహన్ నాయుడ్ని ఆత్మీయంగా ఆలింగనం చేసుకున్న కేటీఆర్... వీడియో ఇదిగో!
- హైదరాబాదులో ఏబీపీ న్యూస్ నెట్ వర్క్ సదస్సు
- హాజరైన రామ్మోహన్ నాయుడు, కేటీఆర్
- రామ్మోహన్, కేటీఆర్ మధ్య అపురూప క్షణాలు
హైదరాబాదులో ఇవాళ ఏబీపీ న్యూస్ నెట్ వర్క్ ఆధ్వర్యంలో 'ది సదరన్ రైజింగ్' సెమినార్ నిర్వహించారు. ఈ సదస్సుకు వివిధ రంగాల ప్రముఖులు హాజరయ్యారు. ఈ సెమినార్ లో ఆసక్తికర దృశ్యం ఆవిష్కృతమైంది.
టీడీపీ యువ నేత, కేంద్ర పౌరవిమానయాన శాఖ మంత్రి కింజరాపు రామ్మోహన్ నాయుడు, కేటీఆర్ ల మధ్య ఆత్మీయ క్షణాలు చోటుచేసుకున్నాయి. ఒకరినొకరు ఆప్యాయంగా పలకరించుకున్నారు.
రామ్మోహన్ నాయుడ్ని ఆత్మీయంగా హత్తుకున్న కేటీఆర్... వీపు తట్టి అభినందించారు. దీనికి సంబంధించిన వీడియో సామాజిక మాధ్యమాల్లో సందడి చేస్తోంది.