Kareena Kapoor: నెట్ ఫ్లిక్స్ లో మిస్టరీ థ్రిల్లర్ .. 'ది బకింగ్ హామ్ మర్డర్స్'
- కరీనా కపూర్ ప్రధాన పాత్రగా 'ది బకింగ్ హామ్ మర్డర్స్'
- క్రైమ్ తో కూడిన మిస్టరీ థ్రిల్లర్
- సెప్టెంబర్ 13న థియేటర్లలో విడుదలైన సినిమా
- ఈ నెల 8వ తేదీ నుంచి మొదలయ్యే స్ట్రీమింగ్
ఓటీటీ సెంటర్లు ఎక్కువగా థ్రిల్లర్ జోనర్స్ కి సంబంధించిన కంటెంట్ తో కళకళలాడుతూ కనిపిస్తున్నాయి. అందుకు కారణం ఇక్కడ ఈ తరహా కంటెంట్ పట్ల ఆడియన్స్ ఎంతో ఆసక్తిని వ్యక్తం చేస్తూ ఉండటమే. అలాంటి జోనర్లో రూపొందిన సినిమానే 'ది బకింగ్ హామ్ మర్డర్స్'. మిస్టరీతో కూడిన క్రైమ్ థ్రిల్లర్ ఇది. కరీనా కపూర్ ప్రధానమైన పాత్రను పోషించిన ఈ సినిమా, సెప్టెంబర్ 13వ తేదీన థియేటర్లకు వచ్చింది.
థియేటర్ ఆడియన్స్ ను ఈ సినిమా ఆశించిన స్థాయిలో ప్రభావితం చేయలేకపోయింది. శోభా కపూర్ - ఏక్తా కపూర్ నిర్మించిన ఈ సినిమాకి, కరీనా కపూర్ కూడా ఒక నిర్మాణ భాగస్వామిగా వ్యవహరించింది. 50 కోట్ల బడ్జెట్ తో నిర్మించిన ఈ సినిమాకి, హన్సల్ మెహతా దర్శకత్వం వహించాడు. అలాంటి ఈ సినిమా ఈ నెల 8వ తేదీ నుంచి 'నెట్ ఫ్లిక్స్'లో స్ట్రీమింగ్ కానుంది.
ఈ సినిమాలో కరీనా డిటెక్టివ్ జస్మిత్ పాత్రలో నటించింది. తన కొడుకును కోల్పోయిన డిటెక్టివ్ జస్మిత్, బాధను మరిచిపోవడం కోసం వేరే ఊరు వెళుతుంది. అక్కడ ఓ పదేళ్ల పిల్లాడి కిడ్నాప్ కేసును ఆమె ఛేదించవలసి వస్తుంది. ఆ పిల్లాడు హత్య చేయబడ్డాడని తెలుసుకుని ఆ దిశగా తన ఇన్వెస్టిగేషన్ మొదలుపెడుతుంది. అప్పుడు ఆమెకి తెలిసే నిజాలు ఎలాంటివి? అనేదే మిగతా కథ. ఓటీటీ వైపు నుంచి ఈ సినిమాకి మంచి రెస్పాన్స్ వచ్చే అవకాశమైతే ఉంది.